Nau Kơp Bunuyh 3:8 - Nau Brah Ndu Ngơi 2023

⁸ Khân păng ăt djôt kan chiă uănh lĕ rngôch ndơ dŏng tâm Ngih Bok Nau Tâm Rƀŭn jêh ri ƀư nau pah kan phung ƀon lan Israel jao ma khân păng gay pah kan ta Ngih Bok.

Nau Kơp Bunuyh 3:8 ပူးပေါင်းရင်းမြစ်များ

I Nau Rêh Jêng 23:27

Tĭng nâm nau Y-Đavit ntĭnh dăch dŭt, bu kơp phung Lêvi, ntơm bơh bar jât năm leo klơ.

II Nau Rêh Jêng 29:11

Ơ phung kon bu klâu gâp ơi, lơi ta brơl rlach ôh! Yorlah Brah Yêhôva hŏ săch jêh khân may jêng oh mon Păng gay gŭ dâk panăp Păng, pah kan jêh ri su ndơ ƀâu kah ma Păng.”

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Nau Kơp Bunuyh 10:17

Rnôk nây bu hŏ rơih jêh Ngih Bok, jêh nây phung kon sau Y-Gersôn jêh ri phung kon sau Y-Mêrari, tung Ngih Bok hăn du luh.

Nau Kơp Bunuyh 10:21

Rnôk nây phung Kôhat tung lĕ ndơ kloh ueh hăn du luh. Bu ndâk jêh Ngih Bok lor ma khân păng tât.

Nau Kơp Bunuyh 3:7

Phung Lêvi mra ƀư lĕ nau kan ma Y-Arôn jêh ri ma lĕ rngôch phung tâm rƀŭn ta ntŭk Ngih Bok Nau Tâm Rƀŭn ma nau pah kan tâm Ngih Bok.

Nau Kơp Bunuyh 3:9

Pônây, ăn may jao phung Lêvi ma Y-Arôn jêh ri ma phung kon bu klâu păng; yorlah bu hŏ săch jêh khân păng bơh phung ƀon lan Israel gay jao lĕ khân păng ma Y-Arôn.

Nau Kơp Bunuyh 31:30

Bi du n'gul ri ma phung ƀon lan Israel, ăn may sŏk du kô̆ tâm prăm jât, mâu lah bunuyh mâu lah ndrôk mâu lah seh bri mâu lah biăp, jêng lĕ rngôch mpô mpa rong, jêh ri jao ma phung Lêvi, jêng phung sâm dơn djôt kan chiă uănh Ngih Bok Brah Yêhôva.”

Nau Kơp Bunuyh 4:15

Lah jêh Y-Arôn jêh ri phung kon bu klâu păng hŏ nkŭm jêh ntŭk kloh ueh jêh ri lĕ ndơ dŏng kloh ueh lôch jêh, jêh ri dôl phung ƀon lan ndrăp jêh hăn du luh, phung kon bu klâu Y-Kôhat văch hom tung lĕ ndơ dŏng, ƀiălah khân păng mâu dơi mpât ôh tât lĕ ndơ kloh ueh, klach lah khân păng mra khĭt. Nây jêng lĕ ndơ dŏng tâm Ngih Bok Nau Tâm Rƀŭn ma phung kon bu klâu Y-Kôhat mra tung hom.

Nau Kơp Bunuyh 4:28

Nây jêng lĕ nau kan ma ndŭl mpôl Y-Gersôn tâm Ngih Bok Nau Tâm Rƀŭn. Nau kan khân păng gŭ tâm nau dơi chiă uănh Y-Ithamar, kon bu klâu kôranh ƀư brah Y-Arôn.

Nau Kơp Bunuyh 4:33

Nây jêng nau kan ma ndŭl mpôl Y-Mêrari ƀư hom tâm Ngih Bok Nau Tâm Rƀŭn tâm nau dơi chiă uănh Y-Ithamar, kon bu klâu kôranh ƀư brah Y-Arôn.”