Kơt nây, tâm pơh nar, ăn nâu jêh ri phung kon bu klâu nâu gŭ ta mpông Ngih Bok Nau Tâm Rƀŭn lĕ nar nđâp măng, mât mray lĕ nau Brah Yêhôva ntĭnh ntăm jêh gay ma nâu jêh ri phung kon bu klâu nâu mâu khĭt ôh; yorlah nĕ jêng nau Brah Ndu hŏ ntăm jêh ma gâp.”
ƀiălah ntĭm hom ma phung Lêvi chiă uănh Ngih Bok Nau Tâm Rnglăp, lĕ rngôch ndơ dŏng jêh ri lĕ rngôch ndơ dŏng prăp tâm Ngih Bok nây. Khân păng mra trơn Ngih Bok jêh ri lĕ rngôch ndơ ta nây, tâm ban đŏng mât uănh jêh ri ndâk ngih bok gŭ jŭm Ngih Bok.
Ƀiălah phung Lêvi mra ndâk ngih bok gŭ jŭm Ngih Bok Nau Tâm Rnglăp gay nau ji nuih mâu nkhŭt ta phung ƀon lan Israel tâm rƀŭn. Phung Lêvi mra djôt kan chiă uănh Ngih Bok Nau Tâm Rnglăp.
Khân păng ăt djôt kan chiă uănh lĕ rngôch ndơ dŏng tâm Ngih Bok Nau Tâm Rƀŭn jêh ri ƀư nau pah kan phung ƀon lan Israel jao ma khân păng gay pah kan ta Ngih Bok.
Bi du n'gul ri ma phung ƀon lan Israel, ăn may sŏk du kô̆ tâm prăm jât, mâu lah bunuyh mâu lah ndrôk mâu lah seh bri mâu lah biăp, jêng lĕ rngôch mpô mpa rong, jêh ri jao ma phung Lêvi, jêng phung sâm dơn djôt kan chiă uănh Ngih Bok Brah Yêhôva.”
Y-Arôn mra nhhơr phung Lêvi tanăp Brah Yêhôva nâm du ndơ ƀư brah ryeng pa tê̆ ryeng pa djaơ bơh phung ƀon lan Israel, gay ma khân păng ndrăp jêh pah kan ma Brah Yêhôva.