Nau Kơp Bunuyh 3:6 - Nau Brah Ndu Ngơi 2023

⁶ “Djôt leo hom ndŭl mpôl Lêvi tâm mpơl măt panăp kôranh ƀư brah Y-Arôn gay pah kan ma păng.

Nau Kơp Bunuyh 3:6 ပူးပေါင်းရင်းမြစ်များ

I Nau Rêh Jêng 15:2

Nôk nây, Y-Đavit lah: “Mâu geh phung êng ôh, knŏng phung Lêvi dơi tung Hip Nau Tâm Rnglăp Brah Ndu, yorlah Brah Yêhôva săch jêh khân păng ăn tung Hip Nau Tâm Rnglăp Brah Yêhôva, jêh ri pah kan ma Păng n'ho ro.”

I Nau Rêh Jêng 23:28

Nau kan khân păng jêng gŭ êp phung kon sau Y-Arôn gay ƀư nau kan ma ngih Brah Yêhôva, kan mât mray ndring ngih jêh ri lĕ jrô, mât mray ăn kloh lĕ rngôch ndơ kloh ueh, jêh ri ƀư ăp nau kan ma ngih Brah Yêhôva:

I Nau Rêh Jêng 23:32

Khân păng tâm ban đŏng djôt kan chiă uănh Ngih Bok Nau Tâm Rƀŭn jêh ri Ntŭk Kloh Ueh, jêh nây kơl phung kon sau Y-Arôn, jêng phung oh nâu khân păng, gay pah kan tâm ngih Brah Yêhôva.

I Nau Rêh Jêng 6:33

Nây jêng phung pah kan nđâp ma phung kon sau khân păng: Tâm phung kon sau Y-Kôhat geh Y-Hêman jêng nơm mprơ, kon Y-Yôel, Y-Yôel kon Y-Samuel,

II Nau Rêh Jêng 29:11

Ơ phung kon bu klâu gâp ơi, lơi ta brơl rlach ôh! Yorlah Brah Yêhôva hŏ săch jêh khân may jêng oh mon Păng gay gŭ dâk panăp Păng, pah kan jêh ri su ndơ ƀâu kah ma Păng.”

Êsra 6:18

Khân păng njêng phung kôranh ƀư brah jêh ri phung Lêvi tĭng nâm mpôl khân păng, gay pah kan ma Brah Ndu ta Yêrusalem, di nâm bu hŏ nchih tâm ndrom samƀŭt Y-Môis.

Malachi 2:4

Pôri mơ khân may mra gĭt Gâp hŏ mbơh nau ntăm aơ ma khân may, gay djôt prăp nau tâm rnglăp Gâp đah phung Lêvi.” Brah Yêhôva ma phung tahan lah kơt nây.

Nau Kơp Bunuyh 18:21

Bi ma kon sau Lêvi, aơ Gâp hŏ ăn ma lĕ rngôch pi kô̆ tâm jât bơh phung Israel, jêng drăp ndơn gay plơ̆ ma nau kan khân păng ƀư, kan khân păng ƀư tâm Ngih Bok Nau Tâm Rƀŭn.

Nau Kơp Bunuyh 2:17

Jêh nây, Ngih Bok Nau Tâm Rƀŭn jêh ri rmlak tahan Lêvi mra hăn ta nklang phung rmlak tahan êng. Rmlak tahan Lêvi mra hăn du luh tâm groi lor nglĕ hŏ ndâk ngih bok jêh, ăp nơm tĭng nâm ăp phung tâm dâng n'ha kơ khân păng.

Nau Kơp Bunuyh 2:33

Ƀiălah bu mâu kơp ôh phung Lêvi ndrel ma phung ƀon lan Israel, tĭng nâm Brah Yêhôva ntĭnh jêh ma Y-Môis.

Nau Kơp Bunuyh 3:5

Brah Yêhôva ngơi đah Y-Môis:

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.