Nau Kơp Bunuyh 3:41 - Nau Brah Ndu Ngơi 2023

⁴¹ Gâp jêng Brah Yêhôva. Săch hom phung Lêvi ăn ma Gâp, khân păng mra ntrok ma lĕ rngôch phung kon bu klâu bôk rah tâm phung ƀon lan Israel, jêh ri sŏk mpô mpa rong tă bơh phung Lêvi ntrok an ma lĕ rngôch mpô mpa rong deh dak bôk tă bơh phung ƀon lan Israel.”

Nau Kơp Bunuyh 3:41 ပူးပေါင်းရင်းမြစ်များ

Nau Kơp Bunuyh 18:15

Lĕ rngôch kon bôk rah bơh bunuyh mâu lah mpô mpa rong, jêng ndơ phung ƀon lan Israel nhhơr ma Brah Yêhôva, mra jêng ndơ may. Ƀiălah may mra tâm chuai tay kon bôk rah bơh bunuyh jêh ri kon bôk rah bơh mpô mpa mâu kloh.

Nau Kơp Bunuyh 3:12

“Gâp hŏ săch jêh phung Lêvi tă bơh tâm phung ƀon lan Israel, gay khân păng ntrok lĕ rngôch kon bôk rah bơh phung ƀon lan Israel. Pônây phung Lêvi mra jêng ndơ Gâp,

Nau Kơp Bunuyh 3:13

yorlah lĕ rngôch kon bôk rah jêng ndơ Gâp. Ta nar Gâp rmal lĕ rngôch kon bôk rah tâm n'gor Êjipt, Gâp hŏ prăp êng ăn ma Gâp lĕ rngôch kon bôk rah tâm Israel, nđâp ma bunuyh jêh ri mpô mpa mra jêng ndơ Gâp. Gâp jêng Brah Yêhôva.”

Nau Kơp Bunuyh 3:42

Pôri, Y-Môis kơp lĕ rngôch phung kon bôk rah tâm phung ƀon lan Israel, di tĭng nâm Brah Yêhôva ntĭnh ntăm ma păng.

Nau Kơp Bunuyh 3:45

“Săch hom phung Lêvi ntrok ma lĕ rngôch phung kon bôk rah tâm phung ƀon lan Israel jêh ri mpô mpa rong phung Lêvi ntrok ma mpô mpa rong phung ƀon lan Israel. Kơt nĕ, phung Lêvi mra jêng ndơ Gâp. Gâp jêng Brah Yêhôva.

Nau Kơp Bunuyh 8:16

Yorlah, bơh ta nklang ƀon lan Israel phung Lêvi ăn n'ho ma Gâp; Gâp hŏ săch sŏk khân păng ma Gâp gay ntrok ăn lĕ rngôch kon bôk rah tâm phung ƀon lan Israel.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

I Timôthê 2:6

Nơm jao jêh Păng nơm jêng rnoh chuai lĕ rngôch bunuyh, jêng nau mbơh ăn di tâm rnôk nal.