Nau Kơp Bunuyh 3:40 - Nau Brah Ndu Ngơi 2023

⁴⁰ Brah Yêhôva lah ma Y-Môis: “Kơp hom lĕ rngôch phung kon bu klâu bôk rah tâm phung ƀon lan Israel ntơm du khay leo klơ jêh ri nchih amoh săk khân păng.

Nau Kơp Bunuyh 3:40 ပူးပေါင်းရင်းမြစ်များ

Nau Mprơ Ơm 87:6

Tơlah Brah Yêhôva nchih phung ƀon lan tâm ndrom samƀŭt Păng mra kơp pô aơ: “Nơm aơ bu deh jêh ta Siôn.” (Sêla)

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Nau Kơp Bunuyh 3:12

“Gâp hŏ săch jêh phung Lêvi tă bơh tâm phung ƀon lan Israel, gay khân păng ntrok lĕ rngôch kon bôk rah bơh phung ƀon lan Israel. Pônây phung Lêvi mra jêng ndơ Gâp,

Nau Kơp Bunuyh 3:15

“Kơp hom phung kon bu klâu Lêvi tĭng nâm ndŭl mpôl jêh ri noi deh khân păng. Kơp lĕ rngôch bu klâu ntơm bơh phung geh du khay leo klơ.”

Nau Kơp Bunuyh 3:41

Gâp jêng Brah Yêhôva. Săch hom phung Lêvi ăn ma Gâp, khân păng mra ntrok ma lĕ rngôch phung kon bu klâu bôk rah tâm phung ƀon lan Israel, jêh ri sŏk mpô mpa rong tă bơh phung Lêvi ntrok an ma lĕ rngôch mpô mpa rong deh dak bôk tă bơh phung ƀon lan Israel.”

Nau Kơp Bunuyh 3:45

“Săch hom phung Lêvi ntrok ma lĕ rngôch phung kon bôk rah tâm phung ƀon lan Israel jêh ri mpô mpa rong phung Lêvi ntrok ma mpô mpa rong phung ƀon lan Israel. Kơt nĕ, phung Lêvi mra jêng ndơ Gâp. Gâp jêng Brah Yêhôva.

Luka 10:20

Ƀiălah, lơi răm maak ôh yor phung brah mhĭk tông bâr ma khân may, maak răm hom yor amoh săk phung kon hŏ nchih jêh ta klơ trôk.”

Philip 4:3

Gâp dăn đŏng ma may, mĭt jiăng pah kan răp jăp ndrel ma gâp, kơl hom phung bu ur nây; khân păng dâk ndrel ma gâp tâm lơh yor ma Nau Mhe Mhan Ueh, ndrel ma Y-Klêmen jêh ri phung mĭt jiăng ndrel kan êng ma gâp; amoh khân păng Brah Ndu nchih jêh tâm ndrom samƀŭt nau rêh.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 12:23

dăch Phung Ngih Brah Ndu phung kon bôk rah, amoh săk khân păng nchih jêh tâm lĕ ndâr trôk. Khân may văch dăch Brah Ndu jêng Nơm Phat Dôih ma lĕ rngôch bunuyh, gŭ dăch huêng phung sŏng srăng geh nau ueh,

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.

Nau Tâm Mpơl 3:5

Mbu mra dơi, mra soh ao nglang tâm ban pônây; Gâp mâu mra jut lơi amoh bunuyh nây bơh ndrom samƀŭt nau rêh, jêh ri mra mbơh amoh bunuyh nây tanăp Mbơ̆ Gâp jêh ri tanăp phung tông mpăr Păng.