Nau Kơp Bunuyh 3:25 - Nau Brah Ndu Ngơi 2023

²⁵ Nau kan phung kon bu klâu Y-Gersôn tâm Ngih Bok Nau Tâm Rƀŭn jêng djôt kan chiă uănh lĕ rngôch ndơ tâm Ngih Bok, ngih bok nđâp ma lĕ bok nkŭm jêh ri bok nching ta bôk mpông Ngih Bok Nau Tâm Rƀŭn,

Nau Kơp Bunuyh 3:25 ပူးပေါင်းရင်းမြစ်များ

I Nau Rêh Jêng 23:32

Khân păng tâm ban đŏng djôt kan chiă uănh Ngih Bok Nau Tâm Rƀŭn jêh ri Ntŭk Kloh Ueh, jêh nây kơl phung kon sau Y-Arôn, jêng phung oh nâu khân păng, gay pah kan tâm ngih Brah Yêhôva.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

Nau Ngluh Êjipt 25:9

Ăn khân may ƀư ngih nây di nâm rup Ngih Bok jêh ri lĕ ndơ dŏng nkrơ̆ ƀư ueh Gâp mra ntĭm ma may.”

Nau Ngluh Êjipt 40:19

Păng ling bok nkŭm ta klơ Ngih Bok jêh nây nkŭm bok ta klơ, di nâm nau Brah Yêhôva hŏ ntĭnh jêh ma Y-Môis.

Nau Ngluh Êjipt 40:28

Păng nthăng đŏng bok ta mpông Ngih Bok.

Nau Kơp Bunuyh 1:50

ƀiălah ntĭm hom ma phung Lêvi chiă uănh Ngih Bok Nau Tâm Rnglăp, lĕ rngôch ndơ dŏng jêh ri lĕ rngôch ndơ dŏng prăp tâm Ngih Bok nây. Khân păng mra trơn Ngih Bok jêh ri lĕ rngôch ndơ ta nây, tâm ban đŏng mât uănh jêh ri ndâk ngih bok gŭ jŭm Ngih Bok.

Nau Kơp Bunuyh 10:17

Rnôk nây bu hŏ rơih jêh Ngih Bok, jêh nây phung kon sau Y-Gersôn jêh ri phung kon sau Y-Mêrari, tung Ngih Bok hăn du luh.

Nau Kơp Bunuyh 3:24

Kôranh ndŭl mpôl phung Gersôn jêng Y-Êliasap, kon bu klâu Y-Laêl.

Nau Kơp Bunuyh 3:7

Phung Lêvi mra ƀư lĕ nau kan ma Y-Arôn jêh ri ma lĕ rngôch phung tâm rƀŭn ta ntŭk Ngih Bok Nau Tâm Rƀŭn ma nau pah kan tâm Ngih Bok.

Nau Kơp Bunuyh 7:7

Păng jao bar bôk ndeh jêh ri puăn mlâm ndrôk nkuăng ma phung kon sau Y-Gersôn tĭng nâm kan khân păng.

Markôs 13:34

Nâm bu du huê bunuyh ri dăch hăn tât ntŭk ngai, tơlah luh tă bơh ngih, jao nau dơi ma phung oh mon, ăp nơm du ntil kan, jêh ri ntĭnh ma nơm gak mpông sâng gŭ kâp uănh.

Kôlôh 4:17

Nglĕ dŭt, lah hom đah Y-Archipus: “Ăn may njrăng jêh ri ƀư rĭng nau pah kan may hŏ sŏk dơn bơh Kôranh Brah.”

I Timôthê 1:18

Hơi Y-Timôthê kon gâp, gâp ntrŭnh nau vay dăp aơ ma may, tĭng nâm lĕ nau mbơh lor ma may bơh kăl e, gay bơh lĕ nau ngơi nây may tâm lơh janh ktang,