Nau Kơp Bunuyh 28:3 - Nau Brah Ndu Ngơi 2023

³ Pôri may lah hom ma phung ƀon lan Israel pô aơ: ‘Aơ jêng ndơ ƀư brah ăn ŭnh sa khân may mra nhhơr ma Brah Yêhôva: Ăp nar bar mlâm biăp kon nkuăng du năm deh, mâu geh ntŭk mhĭk ôh, jêng ndơ ƀư brah gŭch mro mrăng.

Nau Kơp Bunuyh 28:3 ပူးပေါင်းရင်းမြစ်များ

I Nau Rêh Jêng 16:40

ăp kêng ôi jêh ri kêng măng, khân păng nhhơr ndơ ƀư brah gŭch ma Brah Yêhôva ta klơ nơng ƀư brah ndơ ƀư brah gŭch, tĭng di nâm lĕ nau nchih jêh tâm nau vay Brah Yêhôva hŏ ntăm nti jêh ma phung Israel.

II Nau Rêh Jêng 8:13

hađăch nhhơr di nâm nau vay ntăm bơh Y-Môis ntĭnh ma nau kan nhhơr ndơ ƀư brah tâm lĕ nar saƀat, nar khay mhe, jêh ri pe nar nau ƀŭn toyh tâm ăp năm jêng nau rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp.

Êsra 3:5

Pakơi nây, khân păng nhhơr lĕ ndơ ƀư brah gŭch ƀaƀơ, nđâp ma lĕ ndơ ƀư brah ta nar bôk khay mhe jêh ri ta lĕ rngôch nar rƀŭn khư yơk prăp ma nau kloh ueh ma Brah Yêhôva, tâm ban đŏng lĕ ndơ ƀư brah ma ăp nơm ŭch nhhơr ma Brah Yêhôva.

Daniel 11:31

Phung tahan yor ma hađăch nây njuăl hăn gŭ jêh ri ƀư ƀơ̆ pôih kloh ueh. Khân păng chalơi nhhơr ndơ ƀư brah gŭch ƀaƀơ jêh ri ndâk njêng nau ƀơ̆ ăn jêng rngot njăp.

Daniel 12:11

Ntơm bơh mông bu ăn chalơi nhhơr ndơ ƀư brah gŭch ƀaƀơ jêh ri bu rdâk nau ƀơ̆ ƀơch ƀư ăn jêng rngot njăp, mra geh du rbăn bar rhiăng sĭn jât nar.

Daniel 8:11

Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Kan Lêvi 3:5

Phung kon sau Y-Arôn mra gŭch lĕ ndơ nây ta nơng ƀư brah ndrel ma ndơ ƀư brah gŭch hŏ n'gân ta klơ long dôl hit ŭnh. Nĕ jêng du ntil ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 6:9

“Ăn may ntăm hom nau aơ ma Y-Arôn jêh ri phung kon sau păng: Aơ jêng lĕ nau vay ma ndơ ƀư brah gŭch. Ăn ndơ ƀư brah gŭch dơm ta klơ ŭnh ta klơ nơng ƀư brah ntơm bơh măng kŏ tât ôi, jêh ri mât mray ŭnh ta klơ nơng ăn hit ƀaƀơ.

Amôt 4:4

“Hăn hom tât ta ƀon Bêthel jêh ri ƀư tih; Hăn hom ma ƀon Gilgal jêh ri ƀư tih tay! Ăp ôi, djôt tât hom mpa ƀư brah, Jêh ri pe nar du tơ̆ khân may nhhơr du kô̆ tâm jât!

Nau Kơp Bunuyh 28:10

Nây jêng ndơ ƀư brah gŭch tâm ăp nar saƀat, rmeh ma ndơ nhhơr gŭch mro mrăng jêh ri ndơ nhhơr nhêt.”

Nau Kơp Bunuyh 28:15

Padih ma ndơ ƀư brah gŭch nhhơr mro mrăng jêh ri ma ndơ nhhơr nhêt, ăn may nhhơr đŏng ma Brah Yêhôva du mlâm be nkuăng jêng ndơ ƀư brah chuai nau tih.”

Nau Kơp Bunuyh 28:23

Khân may nhhơr hom lĕ ndơ nhhơr padih ma ndơ ƀư brah gŭch ơm ôi, jêng ma ndơ ƀư brah gŭch mro mrăng.

Nau Kơp Bunuyh 28:24

Ăn khân may ăn ŭnh sa nhhơr lĕ ndơ ƀư brah mro mrăng kơt nĕ dôl pơh nar gay geh n'hôl ƀâu kah, maak ma Brah Yêhôva. Ăn may nhhơr ndơ ƀư brah nây padih ndơ ƀư brah gŭch mro mrăng jêh ri ndơ nhhơr nhêt.

Nau Kơp Bunuyh 28:31

Padih ma ndơ ƀư brah gŭch mro mrăng jêh ri ma ndơ ƀư brah rnih môi, ăn khân may ăt nhhơr lĕ ndơ nhhơr nây ndrel ma ndơ nhhơr nhêt. Lĕ mpa ƀư brah mâu geh têl khap ôh.”

Nau Kơp Bunuyh 28:4

Nhhơr hom du mlâm biăp kon nây ơm ôi, du mlâm biăp kon êng dăch kêng măng,

Nau Kơp Bunuyh 29:11

Khân may ăt nhhơr du mlâm be nkuăng jêng mpa ƀư brah chuai nau tih, padih ma ndơ ƀư brah tâm Nar Chuai Nau Tih, ndơ ƀư brah gŭch mro mrăng, ndơ ƀư brah rnih môi jêh ri ndơ nhhơr nhêt.”

Nau Kơp Bunuyh 29:16

Ăn khân may ăt nhhơr du mlâm be nkuăng jêng mpa ƀư brah chuai nau tih, padih ma ndơ ƀư brah gŭch mro mrăng, ndơ ƀư brah rnih môi jêh ri ndơ nhhơr nhêt.

Nau Kơp Bunuyh 29:6

Ăn khân may nhhơr lĕ ndơ nhhơr nây padih ndơ ƀư brah gŭch ta bôk khay ndrel ma ndơ ƀư brah rnih môi, ndơ ƀư brah gŭch mro mrăng ndrel ma ndơ ƀư brah rnih môi ndrel ma ndơ nhhơr nhêt tĭng nâm nau vay nal. Lĕ ndơ ƀư brah nây ăn ŭnh sa gay nhhơr geh n'hôl ƀâu kah, maak ma Brah Yêhôva.”

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

ហេឞ្រើ 9:6

Lĕ ndơ nây dăp lor jêh tâm ban pônây, jêh ri ăp nar phung kôranh ƀư brah lăp tâm jrô tal nguay ngih bok gay nkra lĕ nau vay tâm rƀŭn ma nau yơk mbah.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.