Nau Kơp Bunuyh 28:2 - Nau Brah Ndu Ngơi 2023

² “Đă hom nau ntăm aơ ma phung ƀon lan Israel jêh ri lah: ‘Ăn khân may nhhơr ma Gâp tâm di yan lĕ ndơ ƀư brah jêh ri ndơ sông sa gay ƀư ndơ ƀư brah, ăn ŭnh sa nhhơr hao geh n'hôl ƀâu kah ma Gâp.’

Nau Kơp Bunuyh 28:2 ပူးပေါင်းရင်းမြစ်များ

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

I Nau Rêh Jêng 23:31

Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

II Nau Rêh Jêng 23:18

Tĭng nâm di tâm ndăch Y-Đavit hŏ dơm tâm ngih Brah Yêhôva, Y-Jêhôida jao nau pah kan tâm ngih Brah Yêhôva ma phung kôranh ƀư brah jêng noi Lêvi, gay khân păng nhhơr lĕ ndơ ƀư brah gŭch ma Brah Yêhôva tĭng nâm nau nchih jêh tâm ndrom samƀŭt nau vay Y-Môis, jêh ri mprơ tâm nau hâk răm tĭng nâm nau Y-Đavit hŏ tâm nal jêh.

II Nau Rêh Jêng 31:3

Hađăch sŏk đŏng du kô̆ ndơ păng nơm ƀư ndơ ƀư brah gŭch ma ôi jêh ri mhaơ, jêh ri ndơ ƀư brah gŭch tâm nar Saƀat, ma nar khay mhe jêh ri lĕ nar rƀŭn hŏ tâm nal jêh tĭng nâm bu nchih jêh tâm ndrom samƀŭt nau vay Brah Yêhôva.

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Êsra 3:3

Khân păng klach ma phung ƀon lan tâm n'gor nây, pôri ndâk tay nơng ƀư brah ta ntŭk mbon ơm jêh ri nhhơr ta nây ndơ ƀư brah gŭch ma Brah Yêhôva, jêng ndơ ƀư brah gŭch kêng ôi jêh ri kêng mhaơ.

Nêhêmi 10:34

Hên jêng phung kôranh ƀư brah, phung Lêvi jêh ri phung ƀon lan, tâm nchroh ma nau nhhơr lŏng ăp năm tĭng năng hŏ tâm nal jêh, tĭng nâm ăp ndŭl mpôl jêh ri djôt leo tât ta ngih Brah Ndu gay su long nây ta klơ nơng ƀư brah ma Yêhôva Brah Ndu hên, tĭng nâm nau hŏ nchih tâm nau vay.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Ngluh Êjipt 23:15

Ăn may djôt prăp nau rƀŭn Piăng Let Mâu Geh Ndrui. Tâm pơh nar, ăn sa piăng let mâu geh ndrui tâm nar lĕ nal jêh tâm khay Abip, nâm Gâp hŏ ntăm ntĭnh jêh kon, yor tâm khay nây kon hŏ luh jêh bơh n'gor Êjipt. Mâu geh ăn du huê hăn ti dơm văch tanăp măt Gâp.

Nau Ngluh Êjipt 29:18

jêh nây gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch nhhơr ma Brah Yêhôva, jêng du nau ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Êsêkiêl 16:19

Ƀănh Gâp hŏ ăn jêh ma ay, rnih môi, dak ngi ôlive jêh ri dak sŭt Gâp ăn ay sa pôri ay djôt nhhơr nâm bu n'hôl ƀâu kah ăn ma khân păng. Ngăn yơh nau nây hŏ geh jêh,’ Kôranh Brah Yêhôva lah pônây.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Êsêkiêl 45:17

Ƀiălah hađăch djôt prăp ndrăp nkra lĕ ndơ ƀư brah gŭch, ndơ ƀư brah rnih môi jêh ri ndơ nhhơr nhêt tâm lĕ nar tâm rƀŭn, nar luh khay mhe, nar saƀat ndrel ma lĕ rngôch nar rƀŭn tâm ngih Israel. Hađăch mra nhhơr ndơ ƀư brah chuai nau tih, ndơ ƀư brah rnih môi, ndơ ƀư brah gŭch jêh ri ndơ ƀư brah ma nau đăp mpăn gay chuai nau tih ăn ma ngih Israel.”

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:17

jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 21:6

Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Kan Lêvi 3:11

Kôranh ƀư brah mra gŭch lĕ ndơ nây ta klơ nơng ƀư brah nâm bu jêng ndơ sông sa ăn ŭnh sa nhhơr ma Brah Yêhôva.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Malachi 1:7

“Khân may nhhơr piăng let ƀơ̆ ƀơch ta nơng ƀư Brah Gâp, jêh ri lah: ‘Phung hên ntŭk hŏ geh ƀư ƀơ̆ ƀơch ma May?’ Khân may mĭn rvê pô aơ: ‘Nơng bơh Brah Yêhôva jêng ndơ mưch rmot.’

Nau Kơp Bunuyh 15:24

tơlah phung tâm rƀŭn lăn ƀư tih jêh ƀiălah mâu gĭt ôh, lĕ phung tâm rƀŭn mra nhhơr du mlâm ndrôk nkuăng rah dŏng ma ndơ ƀư brah gŭch geh n'hôl ƀâu kah nhhơr ma Brah Yêhôva, ndrel ma ndơ ƀư brah rnih môi jêh ri ndơ nhhơr nhêt jêh ri du mlâm be nkuăng jêng ndơ ƀư brah chuai nau tih.

Nau Kơp Bunuyh 15:3

jêh ri nôk khân may nhhơr ma Brah Yêhôva ndrôk mâu lah biăp nâm bu du ndơ ƀư brah nhhơr ma ŭnh sa, geh n'hôl ƀâu kah ma Brah Yêhôva, mâu lah ndơ ƀư brah gŭch, mâu lah mpa ƀư brah gay ƀư nanê̆ nau ton mâu lah ndơ ƀư brah ma nau ŭch, mâu lah ndơ ƀư brah tâm lĕ yan nau rƀŭn,

Nau Kơp Bunuyh 15:7

jêh ri dŏng rlau du lit ndrănh ma ndơ nhhơr nhêt, geh n'hôl ƀâu kah nhhơr ma Brah Yêhôva.

Nau Kơp Bunuyh 28:1

Brah Yêhôva lah tay ma Y-Môis:

Nau Kơp Bunuyh 29:39

Nĕ jêng lĕ ndơ nhhơr khân may nhhơr hom ma Brah Yêhôva tâm lĕ nar rƀŭn nau khư yơk gay ƀư ndơ ƀư brah gŭch, ndơ ƀư brah rnih môi, ndơ nhhơr nhêt jêh ri ndơ ƀư brah ma nau đăp mpăn, padih lĕ ndơ ƀư brah nau ton jêh ri lĕ ndơ ƀư brah khân may nơm ŭch.”

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.

Nau Kơp Bunuyh 9:7

khân păng lah ma Y-Môis pô aơ: “Hên jêng ƀơ̆ jêh yor săk jăn bunuyh khĭt, ƀiălah mâm ƀư hên mâu dơi nhhơr ndơ ƀư brah ma Brah Yêhôva ta nar tâm nal jêh ta nklang phung ƀon lan Israel?”

II Kôrintô 2:15

Yorlah hên jêng n'hôl ƀâu kah Brah Krist nhhơr ma Brah Ndu, ta nklang phung bunuyh geh nau rklaih jêh ri phung bunuyh geh nau rai yot.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.