Nau Kơp Bunuyh 28:11 - Nau Brah Ndu Ngơi 2023

¹¹ “Ăp tơ̆ bôk khay, ăn may nhhơr ma Brah Yêhôva bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm mâu geh ôh ntŭk mhĭk jêng ndơ ƀư brah gŭch;

Nau Kơp Bunuyh 28:11 ပူးပေါင်းရင်းမြစ်များ

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

I Nau Rêh Jêng 23:31

Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

II Nau Rêh Jêng 2:3

Y-Salômôn njuăl nơm mbơh hăn gay lah ma Y-Hiram, hađăch ƀon Tyre: “May hŏ ăn jêh tơm si sêdar ma Y-Đavit, mbơ̆ gâp, gay ndâk ngih hađăch, pônây lĕ sâm ƀư ăn ma gâp đŏng.

II Nau Rêh Jêng 2:4

Nar aơ, gâp ntơm ndâk du mlâm ngih brah ma amoh Yêhôva Brah Ndu gâp, prăp êng ngih brah nây jêng kloh ueh ma Păng, gay gŭch ndơ ƀâu kah panăp Păng, nhhơ piăng let nhhơr ƀaƀơ, nhhơr ndơ ƀư brah gŭch ăp kêng ôi jêh ri kêng mhaơ, tâm nar lĕ saƀat, nar rƀŭn khay mhe, mâu lah lĕ nar rƀŭn Yêhôva Brah Ndu ma hên. Nây jêng lĕ du nau vay rƀŭn n'ho ro ma phung Israel.

II Nau Rêh Jêng 8:13

hađăch nhhơr di nâm nau vay ntăm bơh Y-Môis ntĭnh ma nau kan nhhơr ndơ ƀư brah tâm lĕ nar saƀat, nar khay mhe, jêh ri pe nar nau ƀŭn toyh tâm ăp năm jêng nau rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp.

Êsra 3:5

Pakơi nây, khân păng nhhơr lĕ ndơ ƀư brah gŭch ƀaƀơ, nđâp ma lĕ ndơ ƀư brah ta nar bôk khay mhe jêh ri ta lĕ rngôch nar rƀŭn khư yơk prăp ma nau kloh ueh ma Brah Yêhôva, tâm ban đŏng lĕ ndơ ƀư brah ma ăp nơm ŭch nhhơr ma Brah Yêhôva.

Nêhêmi 10:33

piăng let nhhơr, ndơ ƀư brah rnih môi ƀaƀơ, ndơ ƀư brah gŭch nhhơr ƀaƀơ, ndơ ƀư brah nhhơr tâm nar saƀat, tâm nar tal nguay jêh ri lĕ nau rƀŭn, nau rƀŭn nhhơr kloh ueh, jêh ri ndơ ƀư brah chuai nau tih ma phung Israel jêh ri lĕ rngôch nau kan tâm ngih Brah Ndu hên.

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Mprơ Ơm 81:4

Yorlah nây jêng nau vay dăp ma phung Israel, Du nau dăp bơh Brah Ndu Yakôb

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Êsêkiêl 46:1

Kôranh Brah Yêhôva lah: “Mpông pêr tâm ndring ta trôm mpeh luh nar mra ntĭl dôl prao nar pah kah, ƀiălah mra pơk tâm nar saƀat jêh ri tâm nar ntơm luh khay mhe.

Êsêkiêl 46:6

Ta nar ntơm luh khay mhe, hađăch mra nhhơr du mlâm ndrôk nkuăng ndăm mâu geh têl, prao mlâm biăp kon jêh ri du mlâm biăp nkuăng ăt mâu geh têl ôh.

Êsêkiêl 46:7

Bi ma ndơ ƀư brah rnih môi, hađăch mra nhhơr du êpha ndrel ma du mlâm ndrôk nkuăng, du êpha rnih ndrel ma biăp nkuăng. Bi ma lĕ biăp kon ndah âk hađăch nhhơr tĭng nâm dơi jêh ri du êpha rnih ndrel du hin dak ngi ôlive.

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Amôt 3:5

Mâm dĭng sĭm geh tâm nhuăl bu nthăng ta neh Tơlah mâu geh ôh dăk sâm gay nhŭp păng? Tơlah păng mâu geh nhŭp du ntil ndơ ôh, Mâm dĭng nhuăl ntlư bơh neh?

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Nau Kơp Bunuyh 10:10

Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Nau Kơp Bunuyh 28:19

Ăn khân may nhhơr ma Brah Yêhôva bar mlâm ndrôk nkuăng rah jêh ri pơh mlâm biăp kon nkuăng bêng du năm jêng ndơ ƀư brah gŭch, lĕ rngôch da dê mâu geh têl khap ôh.

Galati 4:10

Khân may hôm djôt nar, djôt khay, djôt yan, djôt năm!

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

Kôlôh 2:6

Pôri, mâm nau khân may sŏk dơn Yêsu Krist jêng Kôranh Brah hăn hom tâm Păng kơt nây lĕ;

I Samuel 20:5

Y-Đavit plơ̆ sĭt lah ma Y-Jônathan: “Aơ, ôi taơ jêng nar rƀŭn khay mhe, gâp gŭ sông sa n'hanh du sưng ndrel hađăch. Ƀiălah dăn ma gâp du krap tâm mir ăn tât kêng măng nar tal pe.

I Samuel 9:12

Khân păng plơ̆ sĭt lah: “Păng ta aơ đŏng, ri păng panăp khân may! Hăn gơnh hom, păng mhe tât ta ƀon nar aơ yorlah nar aơ phung ƀon lan mra ƀư brah ta ntŭk prêh.