Nau Kơp Bunuyh 27:7 - Nau Brah Ndu Ngơi 2023

⁷ “Phung kon bu ur Y-Sêlôpêhat lah di. May pă hom ma khân păng du gâl neh jêng drăp ndơn ta nklang phung oh nâu mbơ̆ khân păng jêh ri jao ma khân păng drăp ndơn mbơ̆ khân păng.

Nau Kơp Bunuyh 27:7 ပူးပေါင်းရင်းမြစ်များ

Ndrom Samƀŭt bơh Yôp 42:15

Tâm lam n'gor mâu geh ôh bu ur jêng ueh ray nâm bu pe kon bu ur Y-Yôp. Mbơ̆ khân păng pă drăp ndơ ma khân păng nđâp ma oh nâu khân păng.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Yêrêmi 49:11

Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Nau Kơp Bunuyh 27:6

Brah Yêhôva lah ma Y-Môis pô aơ:

Nau Kơp Bunuyh 27:8

Ăn may lah ma phung ƀon lan Israel pô aơ: ‘Tơlah du huê bunuyh khĭt, mâu geh kon bu klâu ôh, pôri khân may jao hom drăp ndơn păng ăn ma phung kon bu ur păng.

Nau Kơp Bunuyh 36:5

Pôri, Y-Môis ngơi nau ntăm Brah Yêhôva ma phung ƀon lan Israel: “Kon sau ndŭl mpôl Yôsep lah geh nau găl.

Nau Kơp Bunuyh 36:6

Aơ jêng nau Brah Yêhôva hŏ ntăm jêh tât ma phung kon bu ur Y-Sêlôpêhat: ‘Khân păng ŭch gŭ sai đah mbu tĭng mĭn khân păng ŭch, ƀiălah knŏng dơi gŭ sai đah du tâm lĕ rnăk vâl ndŭl mpôl chô yau khân păng nơm.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Yôsuê 17:4

Khân păng hăn panăp kôranh ƀư brah Y-Êlêasar, panăp Y-Yôsuê, kon bu klâu Y-Nun, jêh ri kôranh chiă uănh jêh ri lah pô aơ: “Brah Yêhôva ntăm jêh ma Y-Môis ăn ma hên du kô̆ drăp ndơn nđâp ma phung oh nâu hên.” Pônây, Y-Yôsuê tông bâr Brah Yêhôva ntăm ăn ma khân păng du kô̆ drăp ndơn tâm ban ma phung oh nâu mbơ̆ khân păng.