Nau Kơp Bunuyh 27:23 - Nau Brah Ndu Ngơi 2023

²³ Y-Môis pah ti păng ta klơ Y-Yôsuê jêh ri jao nau kan ma păng di nâm nau Brah Yêhôva ntĭnh jêh ma Y-Môis.

Nau Kơp Bunuyh 27:23 ပူးပေါင်းရင်းမြစ်များ

Nau Kơp Bunuyh 27:18

Brah Yêhôva lah ma Y-Môis: “Săch hom Y-Yôsuê, kon bu klâu Y-Nun, du huê bunuyh geh Huêng Brah tâm păng, jêh ri pah ti ta klơ păng,

Nau Kơp Bunuyh 27:19

jêh nây leo păng tâm mâp ma kôranh ƀư brah Y-Êlêasar jêh ri lĕ rngôch phung tâm rƀŭn, jêh ri jao nau kan ma păng tanăp măt lĕ rngôch bunuyh.

Nau Kơp Bunuyh 27:22

Pônây Y-Môis ƀư di tĭng nâm nau Brah Yêhôva ntĭnh ntăm jêh. Păng săch Y-Yôsuê jêh ri leo păng hăn luh tanăp kôranh ƀư brah Y-Êlêasar jêh ri lĕ rngôch phung tâm rƀŭn.

Nau Kơp Bunuyh 28:1

Brah Yêhôva lah tay ma Y-Môis:

Nau Vay Nkah Tay 3:21

Dôl nôk nây gâp ntĭnh đŏng nau aơ ma Y-Yôsuê: ‘Măt may hŏ saơ jêh lĕ nau Yêhôva Brah Ndu khân may hŏ ƀư jêh ma bar hê hađăch aơ. Brah Yêhôva mra ƀư kơt nây ma lĕ rngôch ƀon bri hađăch khân may mra hăn rgăn.

Nau Vay Nkah Tay 3:28

Ƀiălah ăn may ntĭnh hom ma Y-Yôsuê, n'hao nuih păng jêh ri ƀư ktang nuih n'hâm Y-Yôsuê yorlah păng nơm mra hăn lor tanăp phung ƀon lan aơ jêh ri njŭn leo khân păng lăp sŏk dơn drăp ndơn jêng n'gor may mra saơ.’

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

Nau Vay Nkah Tay 34:9

Y-Yôsuê, kon bu klâu Y-Nun, bêng ler ma brah gĭt blau yorlah Y-Môis hŏ dơm ti ta klơ păng. Phung ƀon lan Israel tông bâr Y-Yôsuê jêh ri tĭng lĕ ntil nau Brah Yêhôva hŏ lah ntĭm jêh ma Y-Môis.