Nau Kơp Bunuyh 27:21 - Nau Brah Ndu Ngơi 2023

²¹ Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Nau Kơp Bunuyh 27:21 ပူးပေါင်းရင်းမြစ်များ

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

Êsra 2:63

Kôranh mât uănh buay ma khân păng mâu dơi sa ôh ndơ dŭt kloh ueh, kŏ tât ndah nâm jŏ geh kôranh ƀư brah sŏk Urim jêh ri Thumim gay ôp Brah Ndu.

Nêhêmi 7:65

Kôranh mât uănh buay ma khân păng mâu dơi sa ôh ndơ dŭt kloh ueh kŏ tât nôk geh du huê kôranh ƀư brah sŏk Urim jêh ri Thumim gay ôp ma Brah Ndu.

Nau Ngluh Êjipt 28:30

Ăn may lĭr Urim jêh ri Thumim tâm blah văn ntang ntơh nau phat dôih, gay khân păng mra gŭ ta klơ ntơh Y-Arôn tơlah păng lăp tanăp măt Brah Yêhôva. Pôri Y-Arôn mra djôt leo ƀaƀơ ta klơ play nuih păng nau phat dôih phung ƀon lan Israel tanăp măt Yêhôva.”

Kan Lêvi 8:8

Păng djôt đŏng ndơ văn ntang ntơh jêh ri nkuăk Urim jêh ri Thumim ăn ma Y-Arôn,

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Nau Kơp Bunuyh 27:17

gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Nau Kơp Bunuyh 27:2

Khân păng tâm mâp ma Y-Môis, kôranh ƀư brah Y-Êlêasar, phung kôranh chiă uănh jêh ri lĕ rngôch phung tâm rƀŭn ta mpông Ngih Bok Nau Tâm Rƀŭn, jêh ri lah:

Nau Kơp Bunuyh 27:20

Jao hom ăn ma păng ƀaƀă nau dơi may, gay ma lĕ rngôch phung ƀon lan Israel tâm rƀŭn tông tĭng ma păng.

Nau Kơp Bunuyh 27:22

Pônây Y-Môis ƀư di tĭng nâm nau Brah Yêhôva ntĭnh ntăm jêh. Păng săch Y-Yôsuê jêh ri leo păng hăn luh tanăp kôranh ƀư brah Y-Êlêasar jêh ri lĕ rngôch phung tâm rƀŭn.

Nau Kơp Bunuyh 27:5

Y-Môis djôt leo nau phung kon bu ur nây tât tanăp Brah Yêhôva,

Nau Vay Nkah Tay 31:3

Yêhôva Brah Ndu khân may nơm mra hăn lor panăp khân may. Păng mra ƀư rai lĕ ndŭl mpôl aơ tanăp khân may jêh ri khân may mra pit in n'gor khân păng. Y-Yôsuê mra chiă uănh jêh ri njŭn leo khân may rgăn dak krong, tĭng nâm Brah Yêhôva hŏ ngơi jêh.

Nau Vay Nkah Tay 33:8

Ma phung Lêvi, Y-Môis lah: “Dăn ăn Thumim ma phung Lêvi Jêh ri Urim ma nơm blau yơk May. Bơh May hŏ rlong uănh jêh ta Masa, Nđâp nau tâm rlăch jêh ta dak tu Mêriba.

Yôsuê 9:14

Pônây phung Israel dơn ndơ sông sa khân păng, ƀiălah mâu ôp ôh Brah Yêhôva.

Phung Kôranh Phat Dôih 1:1

Jêh Y-Yôsuê khĭt, phung ƀon lan Israel ôp Brah Yêhôva pô aơ: “Mbu tâm phung hên mra hăn hao lor gay tâm lơh đah phung Kanaan?”

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”

I Samuel 14:19

Ƀiălah dôl Y-Sôl ngơi ma kôranh ƀư brah, geh bâr ngơi drơu-drơu lơ hâu ktang lơn tâm nklang pôih phung Philistin. Y-Sôl lah ma kôranh ƀư brah: “Rhuăt lơi ti may!”

I Samuel 23:9

Ƀiălah Y-Đavit gĭt pô aơ Y-Sôl chră ŭch ƀư mhĭk ma păng, păng lah ma kôranh ƀư brah Y-Abiathar: “Djôt leo hom êphôt văch ta aơ.”

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.

I Samuel 30:7

Păng ngơi đah kôranh ƀư brah Y-Abiathar, kon Y-Ahimalek: “Ăn may djôt leo hom êphôt tât ma gâp.” Y-Abiathar djôt leo êphôt tât ma Y-Đavit.