Nau Kơp Bunuyh 27:19 - Nau Brah Ndu Ngơi 2023

¹⁹ jêh nây leo păng tâm mâp ma kôranh ƀư brah Y-Êlêasar jêh ri lĕ rngôch phung tâm rƀŭn, jêh ri jao nau kan ma păng tanăp măt lĕ rngôch bunuyh.

Nau Kơp Bunuyh 27:19 ပူးပေါင်းရင်းမြစ်များ

Nau Kơp Bunuyh 27:20

Jao hom ăn ma păng ƀaƀă nau dơi may, gay ma lĕ rngôch phung ƀon lan Israel tâm rƀŭn tông tĭng ma păng.

Nau Vay Nkah Tay 3:28

Ƀiălah ăn may ntĭnh hom ma Y-Yôsuê, n'hao nuih păng jêh ri ƀư ktang nuih n'hâm Y-Yôsuê yorlah păng nơm mra hăn lor tanăp phung ƀon lan aơ jêh ri njŭn leo khân păng lăp sŏk dơn drăp ndơn jêng n'gor may mra saơ.’

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

Nau Vay Nkah Tay 31:3

Yêhôva Brah Ndu khân may nơm mra hăn lor panăp khân may. Păng mra ƀư rai lĕ ndŭl mpôl aơ tanăp khân may jêh ri khân may mra pit in n'gor khân păng. Y-Yôsuê mra chiă uănh jêh ri njŭn leo khân may rgăn dak krong, tĭng nâm Brah Yêhôva hŏ ngơi jêh.

Kôlôh 4:17

Nglĕ dŭt, lah hom đah Y-Archipus: “Ăn may njrăng jêh ri ƀư rĭng nau pah kan may hŏ sŏk dơn bơh Kôranh Brah.”

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.