Nau Kơp Bunuyh 27:18 - Nau Brah Ndu Ngơi 2023

¹⁸ Brah Yêhôva lah ma Y-Môis: “Săch hom Y-Yôsuê, kon bu klâu Y-Nun, du huê bunuyh geh Huêng Brah tâm păng, jêh ri pah ti ta klơ păng,

Nau Kơp Bunuyh 27:18 ပူးပေါင်းရင်းမြစ်များ

Nau Ntơm 41:38

Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?”

I Nau Rêh Jêng 7:27

Y-Êlisama jêng mbơ̆ Y-Nun; jêh ri Y-Nun jêng mbơ̆ Y-Yôsuê.

Nau Ngluh Êjipt 17:9

Y-Môis lah ma Y-Yôsuê: “Săch hom ma he phung tahan hăn tâm lơh đah phung Amalek. Ôi taơ gâp mra gŭ dâk ta klơ n'gơn yôk djôt mâng jra Brah Ndu ta ti gâp.”

Daniel 5:14

Gâp tăng bu lah may geh huêng phung brah gŭ tâm may yor ri may geh nau ang, nau gĭt rbăng jêh ri nau blau mĭn êng lơn.

Nau Kơp Bunuyh 11:17

Gâp mra jŭr jêh ri ngơi ndrel đah may ta nây. Gâp mra sŏk Huêng Gâp gŭ ta klơ may gay ăn ma khân păng, jêh ri khân păng mra anh nau kan jâk phung ƀon lan aơ ndrel ma may, mâu di du huê may anh nau jâk nây.

Nau Kơp Bunuyh 13:16

Nĕ jêng amoh phung bunuyh Y-Môis prơh hăn n'hut uănh n'gor. Y-Môis ntơ amoh ma Y-Hôsêa, kon bu klâu Y-Nun, jêng Y-Yôsuê.

Nau Kơp Bunuyh 13:8

ndŭl mpôl Êphraim, geh Y-Hôsêa, kon bu klâu Y-Nun;

Nau Kơp Bunuyh 27:23

Y-Môis pah ti păng ta klơ Y-Yôsuê jêh ri jao nau kan ma păng di nâm nau Brah Yêhôva ntĭnh jêh ma Y-Môis.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Kôranh Oh Mon 13:3

Jêh khân păng ât sông sa jêh ri mbơh sơm, khân păng pah ti ma phung nây jêh ri njuăl phung nây hăn.

Kôranh Oh Mon 19:6

Nôk Y-Pôl pah ti ta khân păng, Brah Huêng Ueh jŭr ta khân păng; khân păng ngơi nau bu năch jêh ri nau mbơh lor.

Kôranh Oh Mon 6:3

Pôri, dăn phung oh nâu săch hom tâm phung khân may pơh nuyh geh nau lư ueh, bêng ma Brah Huêng Ueh jêh ri ma nau blau mĭn, hên mra jao nau kan aơ ma khân păng.

Kôranh Oh Mon 6:6

Khân păng tâm mpơl măt pơh nuyh nây ma phung kôranh oh mon; phung kôranh oh mon mbơh sơm pah ti ma phung bunuyh nây.

Nau Vay Nkah Tay 1:37

Yor khân may đŏng dĭng, Brah Yêhôva ji nuih ma gâp jêh ri lah: ‘May mâu mra dơi lăp ta nây ôh.

Nau Vay Nkah Tay 3:21

Dôl nôk nây gâp ntĭnh đŏng nau aơ ma Y-Yôsuê: ‘Măt may hŏ saơ jêh lĕ nau Yêhôva Brah Ndu khân may hŏ ƀư jêh ma bar hê hađăch aơ. Brah Yêhôva mra ƀư kơt nây ma lĕ rngôch ƀon bri hađăch khân may mra hăn rgăn.

Nau Vay Nkah Tay 3:28

Ƀiălah ăn may ntĭnh hom ma Y-Yôsuê, n'hao nuih păng jêh ri ƀư ktang nuih n'hâm Y-Yôsuê yorlah păng nơm mra hăn lor tanăp phung ƀon lan aơ jêh ri njŭn leo khân păng lăp sŏk dơn drăp ndơn jêng n'gor may mra saơ.’

Nau Vay Nkah Tay 31:14

Brah Yêhôva lah ma Y-Môis: “Aơ, nar may mra khĭt hŏ dăch jêh. Kuăl hom Y-Yôsuê jêh nây lĕ bar hê mra tâm mpơl măt ta Ngih Bok Nau Tâm Rƀŭn gay Gâp ntăm ma păng.” Pôri Y-Môis jêh ri Y-Yôsuê tâm mpơl măt ta Ngih Bok Nau Tâm Rƀŭn.

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

Nau Vay Nkah Tay 31:3

Yêhôva Brah Ndu khân may nơm mra hăn lor panăp khân may. Păng mra ƀư rai lĕ ndŭl mpôl aơ tanăp khân may jêh ri khân may mra pit in n'gor khân păng. Y-Yôsuê mra chiă uănh jêh ri njŭn leo khân may rgăn dak krong, tĭng nâm Brah Yêhôva hŏ ngơi jêh.

Nau Vay Nkah Tay 34:9

Y-Yôsuê, kon bu klâu Y-Nun, bêng ler ma brah gĭt blau yorlah Y-Môis hŏ dơm ti ta klơ păng. Phung ƀon lan Israel tông bâr Y-Yôsuê jêh ri tĭng lĕ ntil nau Brah Yêhôva hŏ lah ntĭm jêh ma Y-Môis.

I Timôthê 4:14

Lơi chuêl ôh ma nau dơi ăn tâm may, jêng nau dơi ăn ma may tâm nau mbơh lor nôk mpôl kôranh bu ranh pah ti klơ may.

I Timôthê 5:22

Ƀât ngăch ir pah ti ta bu ôh, mâu đŏng mbŭk ti tâm nau tih bơh bunuyh êng. Djôt prăp hom may nơm ma nau kloh rsang.

ហេឞ្រើ 6:2

nau ntĭm nti ma lĕ nau ƀư ƀaptem, nau pah ti, nau dâk rêh tay tă bơh nau khĭt jêh ri nau phat dôih n'ho ro.

Yôsuê 1:17

Hên mra tông bâr may tâm lĕ nau kan nâm bu hên hŏ tông bâr jêh ma Y-Môis. Knŏng ŭch Yêhôva Brah Ndu may gŭ ndrel ma may, tâm ban Păng hŏ gŭ ndrel jêh ma Y-Môis!

Phung Kôranh Phat Dôih 11:29

Nôk nây, Huêng Brah Yêhôva trŭnh gŭ ndrel Y-Jêptê, păng hăn găn n'gor Gilêat jêh ri Manasê, tât ma Mispa tâm n'gor Gilêat, jêh nây ntơm bơh Mispa ta Gilêat, păng găn tât n'gor phung ƀon lan Ammôn.

Phung Kôranh Phat Dôih 3:10

Huêng Brah Yêhôva jŭr ta păng jêh ri păng chiă uănh phung ƀon lan Israel. Păng hăn tâm lơh jêh ri Brah Yêhôva jao Y-Kusan-Risathaim, hađăch Aram, tâm ti păng. Păng lơh dơi đah Y-Kusan-Risathaim.

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”