Nau Kơp Bunuyh 27:17 - Nau Brah Ndu Ngơi 2023

¹⁷ gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Nau Kơp Bunuyh 27:17 ပူးပေါင်းရင်းမြစ်များ

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

I Phung Hađăch 3:7

Aƀaơ aơ, hơi Brah Yêhôva jêng Brah Ndu gâp, Kôranh Brah nơm hŏ ƀư ăn ma oh mon May gŭ ta sưng hađăch chiă uănh thoi ntrok Y-Đavit, mbơ̆ gâp, nđâp lah gâp jêng knŏng du huê kon se jê̆ mâu gĭt ôh mâm nau mât uănh bri dak.

II Phung Hađăch 11:8

Khân may mra gŭ jŭm hađăch, ăp nơm djôt ndơ tâm lơh tâm ti. Mbu nơm văch dăch ma phung tahan, khân may nkhĭt lơi hom. Tơlah hađăch hăn luh hăn lăp, ăn khân may dơi gŭ êp meng păng.”

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

II Nau Rêh Jêng 18:16

Y-Mika plơ̆ lah: “Gâp saơ lĕ rngôch phung Israel chah rai pru pra ta klơ lĕ yôk nâm bu phung biăp mâu geh bunuyh rmăk biăp ôh, jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

Êsêkiêl 34:5

Yorlah mâu geh bunuyh rmăk leo pôri khân păng nchah rai nhhơt, jêh ri tơlah khân păng lĕ nchah rai nhhơt jêh khân păng jêng mpa sa ma lĕ rngôch mpô mpa bri.

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Mathay 10:6

ƀiălah ueh lơn hăn ta phung biăp nhhơt tâm ngih Israel.

Mathay 15:24

Păng plơ̆ lah: “Bu njuăl Gâp văch, knŏng ma phung biăp nkhah du ngih Israel.”

Mathay 9:36

Tơlah saơ phung âk râk, Păng geh nau yô̆ nđach yorlah khân păng rêh ni jêh ri nchah rai nhhơt nâm bu phung biăp mâu geh bunuyh rmăk.

Markôs 6:34

Tơlah luh bơh plŭng, Brah Yêsu saơ phung bunuyh âk pôri Păng yô̆ nđach ma khân păng, yorlah khân păng nâm bu phung biăp mâu geh bunuyh rmăk biăp. Păng ntơm ntĭm nti âk ntil ma khân păng.

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Nau Vay Nkah Tay 31:2

Păng lah: “Nar aơ gâp geh du rhiăng bar jât năm, mâu hôm dơi hăn luh lăp ôh, jêh ri Brah Yêhôva hŏ lah jêh ma gâp: ‘May mâu mra rgăn ôh dak krong Yurdan aơ.’

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

I Samuel 18:13

Y-Sôl ăn Y-Đavit gŭ ngai đah păng, njêng păng kôranh chiă uănh toyh du rbăn tahan. Y-Đavit njŭn leo phung tahan luh lăp tă bơh ntŭk tâm lơh.

I Samuel 8:20

Hên mra tâm ban ma lĕ rngôch bri dak êng; hađăch hên mra dơi chiă uănh hên, hăn tanăp hên jêh ri tâm lơh an ma hên.”