Nau Kơp Bunuyh 26:65 - Nau Brah Ndu Ngơi 2023

⁶⁵ Yorlah Brah Yêhôva lah jêh ma khân păng pô aơ: “Khân păng mra khĭt tâm bri rdah!” Pôri, mâu hôm geh du huê nuyh rêh ôh, knŏng Y-Kalep, kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Kơp Bunuyh 26:65 ပူးပေါင်းရင်းမြစ်များ

Nau Mprơ Ơm 37:9

Yorlah phung mhĭk mra geh nau rai yot, Ƀiălah mbu nơm kâp gân Brah Yêhôva mra geh neh ƀư drăp ndơn.

Nau Ngluh Êjipt 12:37

Phung ƀon lan Israel hăn ntơm bơh Ramsê tât ta Sukôt; klăp lah prao rsen bu klâu brô̆ jâng, mâu kơp ôh phung bu ur jêh ri phung kon se.

Nau Kơp Bunuyh 14:26

Brah Yêhôva lah ma Y-Môis jêh ri ma Y-Arôn:

Nau Kơp Bunuyh 14:32

Bi khân may mra chalơi săk jăn khân may khĭt tâm bri rdah aơ.

Nau Kơp Bunuyh 14:35

Gâp, Brah Yêhôva hŏ ngơi jêh: N'hêl nanê̆ Gâp mra ƀư lĕ nau nây ma lĕ rngôch phung tâm rƀŭn janh ƀai aơ. Phung gŭ tâm rnglăp ndrel đah ndrăng khân păng gay tâm rdâng đah Gâp, yor ri khân păng mra rai jêh ri mra khĭt tâm bri rdah nây.’”

Nau Kơp Bunuyh 14:38

Ƀiălah tâm phung hăn n'hut uănh n'gor knŏng geh Y-Yôsuê, kon bu klâu Y-Nun, jêh ri Y-Kalep, kon bu klâu Y-Jêphunê, hôm e rêh.

Nau Kơp Bunuyh 27:3

“Mbơ̆ hên khĭt tâm bri rdah. Păng mâu hăn tĭng trong Y-Kôra jêng phung rgum băl tâm rdâng đah Brah Yêhôva, ƀiălah păng hŏ khĭt yor nau tih păng nơm jêh ri păng mâu geh kon bu klâu ôh.

Nau Kơp Bunuyh 34:19

Jêh nây jêng amoh phung nây: Ndŭl mpôl Yuđa geh Y-Kalep, kon bu klâu Y-Jêphunê.

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Nau Vay Nkah Tay 1:36

knŏng Y-Kalep kon bu klâu Y-Jêphunê. Păng mra saơ n'gor nây jêh ri Gâp mra ăn ma păng jêh ri ma phung kon sau păng n'gor păng jot jâng jêh, yorlah păng tĭng ndô̆ Yêhôva ma lĕ nuih n'hâm.’

Yôsuê 5:4

Yor nau nây dĭng Y-Yôsuê koh ntâu ma khân păng: Lĕ rngôch phung bu klâu tâm phung ƀon lan hŏ luh jêh bơh Êjipt, jêng lĕ tahan, hŏ khĭt ta rŏ trong da dê tâm bri rdah, lah jêh khân păng du luh bơh Êjipt.

Yuđas 1:5

Nđâp tơlah khân may gĭt jêh lĕ rngôch nau nây, gâp ŭch nkah ma khân may pô aơ: Kôranh Brah tâm rklaih jêh phung ƀon lan Păng luh bơh n'gor Êjipt, ƀiălah jêh ma nây Păng ƀư rai phung mâu chroh.