Nau Kơp Bunuyh 26:55 - Nau Brah Ndu Ngơi 2023

⁵⁵ ƀiălah nchroh n'hôr hom gay tâm pă n'gor. Phung ƀon lan Israel mra dơn kô̆ drăp ndơn khân păng nơm tĭng nâm amoh ndŭl mpôl khân păng nơm.

Nau Kơp Bunuyh 26:55 ပူးပေါင်းရင်းမြစ်များ

Nau Hôr 16:33

Bu rhuăt nau tâm nchroh tâm ntôr ao, Ƀiălah ăp nau ton ƀư bơh Brah Yêhôva.

Nau Hôr 18:18

Nau sŏk nchroh dơi ƀư ăn lôch nau tâm rlăch Jêh ri rblang ta nklang phung geh nau dơi toyh.

Êsêkiêl 47:22

Ăn khân may mra nchroh gay tâm pă drăp ndơn ăn ma khân may nơm jêh ri phung bu năch gŭ ta nklang khân may jêh ri deh kon sau ta nklang khân may. Khân may uănh khân păng nâm bu phung ƀon lan deh jêh ri văch ma toyh tâm bri Israel; khân may ăt dơi tâm pă drăp ndơn ta nklang phung mpôl băl Israel.

Nau Kơp Bunuyh 26:56

Nchroh n'hôr hom gay tâm pă drăp ndơn ma ăp ndŭl mpôl tĭng nâm rnoh phung ƀon lan âk mâu lan djê̆.”

Nau Kơp Bunuyh 33:54

Nchroh n'hôr hom gay tâm pă n'gor tĭng nâm ndŭl mpôl khân may. Ndŭl mpôl âk lơn ăn khân may ăn drăp ndơn toyh lơn; hôm ma ndŭl mpôl djê̆ ăn khân may ăn drăp ndơn jê̆ lơn. Ăp nơm mra dơn kô̆ păng nơm tĭng nâm nau nchroh n'hôr păng geh dơi. Ăt tĭng ăp ndŭl mpôl phung chô yau khân may gay tâm pă n'gor.

Nau Kơp Bunuyh 34:13

Y-Môis ntăm ma phung ƀon lan Israel pô aơ: “Nĕ jêng n'gor khân may mra dơn jêng drăp ndơn, nâm Brah Yêhôva ntĭnh ntăm gay ăn ma sĭn ndŭl mpôl jêh ri n'gul ndŭl mpôl.

Nau Kơp Bunuyh 36:2

“Brah Yêhôva ntĭnh ntăm ma kôranh gâp nchroh n'hôr gay tâm pă n'gor jêng drăp ndơn ma phung ƀon lan Israel jêh ri Brah Yêhôva ntĭnh jêh ma kôranh gâp jao drăp ndơn Y-Sêlôpêhat jêng nâu hên ma phung kon bu ur păng.

Kôranh Oh Mon 1:26

Khân păng nchroh di ma Y-Mathias, jêh ri bu ăn păng nglăp tâm phung jât ma nguay kôranh oh mon.

Kôlôh 1:12

jêh ri nhhơr nau ngơi lah ueh ma Brah Ndu Mbơ̆, jêng Nơm hŏ ƀư jêh ma khân may găl dơi geh kô̆ drăp ndơn phung kloh ueh tâm nau ang.

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 14:2

Khân păng nchroh n'hôr gay tâm pă drăp ndơn nây ăn ma sĭn ndŭl mpôl jêh ri du n'gul ndŭl mpôl di nâm Brah Yêhôva ntăm jêh ma Y-Môis.

Yôsuê 17:14

Phung kon sau Y-Yôsep ngơi ma Y-Yôsuê: “Hên hŏ jêng jêh du phung ƀon lan lĕ bĭk rơ̆, yorlah Brah Yêhôva ăn nau ueh uĭn ma hên kŏ nar aơ. Pônây nâm ƀư may ăn ma hên knŏng geh du kô̆ neh jêng drăp ndơn hên dơm?”

Yôsuê 18:6

Pônây, khân may nchih hom rup neh tâm pơh kô̆ neh jêh ri djôt leo rup nây sĭt ma gâp ta aơ jêh ri gâp mra nchroh n'hôr ma khân may ta aơ tanăp Yêhôva Brah Ndu he.

Yôsuê 19:1

Ndŭl mpôl phung Simêôn nchroh n'hôr dơi geh kô̆ neh tal bar tĭng nâm ăp rnăk vâl khân păng. Drăp ndơn ndŭl mpôl nây gŭ ta nklang drăp ndơn phung kon sau Y-Yuđa.

Yôsuê 19:10

Phung kon sau Y-Sabulôn nchroh n'hôr dơi geh kô̆ neh tal pe tĭng nâm ăp rnăk vâl khân păng. N'har bri khân păng hăn tât ta Sarit.

Yôsuê 19:17

Phung kon sau Y-Isakar nchroh n'hôr dơi geh kô̆ neh tal puăn tĭng nâm ăp rnăk vâl khân păng.

Yôsuê 19:24

Phung kon sau Y-Aser nchroh n'hôr dơi geh kô̆ neh tal prăm tĭng nâm ăp rnăk vâl khân păng.

Yôsuê 19:32

Phung kon sau Naptali nchroh n'hôr dơi geh kô̆ neh tal prao tĭng nâm ăp rnăk vâl khân păng.

Yôsuê 19:40

Phung kon sau Dan nchroh n'hôr dơi geh kô̆ neh tal pơh tĭng nâm ăp rnăk vâl khân păng.