Nau Kơp Bunuyh 26:20 - Nau Brah Ndu Ngơi 2023

²⁰ Phung kon sau Y-Yuđa tĭng nâm ndŭl mpôl khân păng nơm glom geh: Y-Sêla deh luh ndŭl mpôl Sêla; Y-Pêres deh luh ndŭl mpôl Pêres; Y-Sêra deh luh ndŭl mpôl Sêra.

Nau Kơp Bunuyh 26:20 ပူးပေါင်းရင်းမြစ်များ

Nau Ntơm 38:11

Y-Yuđa lah ma H'Tamar, ƀăn păng: “Ăn ay plơ̆ sĭt tâm ngih mbơ̆ ay jêh ri rêh ndrô kŏ tât nôk Y-Sêla, kon bu klâu gâp, văch ma toyh.” Yorlah Y-Yuđa klach: “Păng mra khĭt nâm bu bar hê nâu păng!” H'Tamar plơ̆ sĭt tâm ngih mbơ̆ păng.

Nau Ntơm 38:14

H'Tamar doh lơi ao bu ur ndrô, sŏk bok nkŭm muh măt, nkŭm lĕ săk păng, jêh nây gŭ êp ntŭk lăp ƀon Ênaim, ta trong hăn tât ta Timna. Păng ƀư kơt nây yorlah hŏ saơ Y-Sêla văch ma toyh jêh, ƀiălah bu mâu ăn ôh păng jêng ur Y-Sêla.

Nau Ntơm 38:5

Jêh nây păng deh tay du huê kon bu klâu đŏng jêh ri amoh Y-Sêla. Y-Yuđa dôl gŭ ta Chêsip nôk ur păng deh kon tal pe.

Nau Ntơm 46:12

Phung kon bu klâu Y-Yuđa jêng Y-Er, Y-Ônan, Y-Sêla, Y-Pêres jêh ri Y-Sêra. Ƀiălah Y-Er jêh ri Y-Ônan khĭt jêh ta Kanaan. Phung kon bu klâu Y-Pêres jêng: Y-Hêsron jêh ri Y-Hamul.

Nau Ntơm 49:8

Y-Yuđa! Phung oh nâu may mra tâm rnê ma may, Ti may mra kuăn trô ko phung rlăng may, Phung kon bu klâu gâp mra chon mbah tanăp măt may.

I Nau Rêh Jêng 4:21

Noi deh Y-Sêla, du huê tâm phung kon bu klâu Y-Yuđa, jêng: Y-Er, nơm njêng Lêka; Y-Lada, nơm njêng Marêsa; jêh ri phung ndŭl mpôl Bet-Asbêa, jêng phung blau tanh bok mhay.

I Nau Rêh Jêng 9:4

Tă tâm ndŭl mpôl Y-Pêres, kon Yuđa, geh Y-Uthai, kon Y-Amihut; Y-Amihut jêng kon Y-Ômri, Y-Ômri jêng kon bu klâu Y-Imri, jêh ri Y-Imri jêng kon Y-Bani.

I Nau Rêh Jêng 9:5

Tă tâm phung Silô geh Y-Asaya, kon bu klâu bôk dak, jêh ri phung kon păng.

Nêhêmi 11:24

Y-Pêthahia, kon bu klâu Y-Mêsêsabel, tâm noi deh Y-Sêra jêng kon Y-Yuđa, gŭ kơl hađăch chiă uănh lĕ rngôch phung ƀon lan.

Nêhêmi 11:4

Ƀiălah geh phung ƀaƀă kon sau Yuđa jêh ri phung Benjamin gŭ ta ƀon Yêrusalem.) Mpeh ma phung kon sau Yuđa geh Y-Athaya, kon bu klâu Y-Usia, sau Y-Sakari, se Y-Amaria, săn Y-Sêphatia; Y-Sêphatia jêng kon bu klâu Y-Mahalalel, tâm noi deh Y-Pêres;

Nêhêmi 11:6

Lĕ rngôch kon sau Y-Pêres gŭ ta Yêrusalem jêng puăn rhiăng prao jât ma pham nuyh dăng ktang.

Nau Kơp Bunuyh 26:21

Phung kon sau Y-Pêres glom geh: Y-Hêsron deh luh ndŭl mpôl Hêsron; Y-Hamul deh luh ndŭl mpôl Hamul.

Mathay 1:3

Y-Yuđa đah ur păng H'Tamar geh kon bu klâu Y-Pêres jêh ri Y-Sara; Y-Pêres jêng mbơ̆ Y-Hesrôn; Y-Hesrôn jêng mbơ̆ Y-Aram;

Luka 3:33

Y-Aminadap jêng kon Y-Admin, Y-Admin jêng kon Y-Arni, Y-Arni jêng kon Y-Hesrôn, Y-Hesrôn jêng kon Y-Pêres, Y-Pêres jêng kon Y-Yuđa,

Nau Tâm Mpơl 7:5

Tâm ndŭl mpôl Yuđa: Jât ma bar rbăn nuyh dơi geh tâp pŏng; Tâm ndŭl mpôl Ruben: Jât ma bar rbăn nuyh; Tâm ndŭl mpôl Gat: Jât ma bar rbăn nuyh;