Nau Kơp Bunuyh 26:10 - Nau Brah Ndu Ngơi 2023

¹⁰ Neh hŏ hă mbung rvăn bar hê khân păng ndrel ma Y-Kôra, lĕ bunuyh hăn tĭng khân păng khĭt da dê, tơlah dôl ŭnh sa bar rhiăng prăm jât bunuyh. Khân păng dơi jêng du nau ngơi nkah ma phung ƀon lan.

Nau Kơp Bunuyh 26:10 ပူးပေါင်းရင်းမြစ်များ

Nau Ngluh Êjipt 16:35

Phung ƀon lan Israel sa mana tâm puăn jât năm, kŏ tât lăp tâm n'gor khân păng gŭ. Khân păng hŏ sa mana kŏ tât lăp n'har bri n'gor Kanaan.

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Êsêkiêl 14:8

Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Nau Kơp Bunuyh 16:2

dâk tâm rdâng đah Y-Môis. Nđâp ma khân păng geh bar rhiăng prăm jât nuyh phung kôranh tâm phung Israel tâm rƀŭn, jêng lĕ kôranh phung tâm rƀŭn, jêng phung bu hŏ săch jêh jêh ri phung lư n'găr;

Nau Kơp Bunuyh 16:38

Bi lĕ khăl gŭch ƀâu kah phung bunuyh ƀư tih jêh ri kŏ tât roh nau rêh khân păng; pôri ăn bu chiăr jêng lĕ pŏk n'hơ gay nkŭm nơng ƀư brah, yorlah lĕ khăl gŭch ƀâu kah nây hŏ nhhơr panăp Brah Yêhôva jêh ri jêng kloh ueh jêh. Pôri khân păng jêng du ndơ tâm mbên ma phung ƀon lan Israel.”

Nau Kơp Bunuyh 17:3

Nchih đŏng amoh Y-Arôn ta mâng Lêvi, yorlah mra geh du mlâm mâng jra ma ăp kôranh ndŭl mpôl.

Nau Kơp Bunuyh 27:3

“Mbơ̆ hên khĭt tâm bri rdah. Păng mâu hăn tĭng trong Y-Kôra jêng phung rgum băl tâm rdâng đah Brah Yêhôva, ƀiălah păng hŏ khĭt yor nau tih păng nơm jêh ri păng mâu geh kon bu klâu ôh.

Nau Vay Nkah Tay 11:6

tâm ban đŏng lĕ nau Păng hŏ ƀư jêh ma Y-Dathan jêh ri ma Y-Abiram phung kon Y-Êliap, sau Y-Ruben, dôl neh hă mbung rvăn bar hê, ndrel ma bunuyh tâm vâl păng, ngih bok khân păng jêh ri lĕ rngôch ndơ tĭng ndô̆ khân păng, ta nklang lĕ rngôch phung Israel.

Nau Vay Nkah Tay 28:46

Lĕ nau rak rtăp aơ mra jêng du nau tâm mbên jêh ri nau mbơh ma khân may jêh ri phung kon sau khân may.

II Pêtrôs 2:6

tơlah Păng tâm rmal lĕ ƀon Sôdôm jêh ri ƀon Gômôrơ, ƀư ăn khân păng jêng mbŭch ŭnh buh gay ƀư leo trong ma phung bunuyh ŭch gŭ rêh mâu geh nau rêh;

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

I Samuel 2:34

Nau mra tât ma bar hê kon bu klâu may, jêng Y-Hôphni jêh ri Y-Phinêas, jêng nau mbên ma may: Lĕ bar hê khân păng mra khĭt tâm du nar.