Nau Kơp Bunuyh 25:8 - Nau Brah Ndu Ngơi 2023

⁸ hăn tĭng bunuyh Israel lăp tâm ngih bok, păng ntâp lăp ndŭl bunuyh Israel jêh ri bu ur nây. Nau mhĭk tâm phung ƀon lan Israel dơi nsrŭng ro.

Nau Kơp Bunuyh 25:8 ပူးပေါင်းရင်းမြစ်များ

II Samuel 21:14

jêh ri khân păng tâp nting Y-Sôl jêh ri Y-Jônathan tâm môch Y-Kis, mbơ̆ Y-Sôl, ta ƀon Sêla, tâm n'gor Benjamin. Jêh bu ƀư lôch jêh lĕ nau hađăch ntĭnh jêh, Brah Ndu tăng nau bu mbơh sơm ma bri dak.

II Samuel 24:25

Y-Đavit ndâk ta nây du mlâm nơng ƀư brah ma Brah Yêhôva, jêh ri ndơ ƀư brah gŭch jêh ri ndơ ƀư brah ma nau đăp mpăn. Brah Ndu iăt nau mbơh sơm jêh ri rlu lơi nau ji tưp ta bri phung Israel.

I Nau Rêh Jêng 21:22

Y-Đavit lah ma Y-Ôrnan: “Ăn hom ma gâp ntŭk mprah ba aơ. Tăch hom di rnoh khlay gay gâp dơi ndâk du nơng ƀư brah ma Brah Yêhôva gay ma nau mhĭk nsrŭng, mâu hôm ăn tât ta phung ƀon lan.”

Malachi 2:5

“Nau tâm rnglăp Gâp đah phung Lêvi jêng nau tâm rnglăp ma nau rêh jêh ri ma nau đăp mpăn, Gâp hŏ ăn, gay ăn păng klach yơk ma Gâp; pôri păng hŏ klach yơk jêh Gâp jêh ri râm nsâr panăp amoh Gâp.

Nau Kơp Bunuyh 17:13

Mbu hăn dăch ma Ngih Bok Brah Yêhôva mra khĭt. Mâm lĕ rngôch hên mra khĭt lĕ ƀơh?”

Nau Kơp Bunuyh 25:11

“Y-Phinêas, kon bu klâu Y-Êlêasar, sau kôranh ƀư brah Y-Arôn, hŏ ƀư roh jêh nau ji nuih Gâp ma phung ƀon lan Israel, yorlah ta nklang khân păng, păng geh nuih n'hâm duh nđơr Gâp gay tâm rdâng đah tih nau văng tĭr; tă bơh nĕ, Gâp mâu ƀư rai ôh phung ƀon lan Israel tâm nau blau ntôn.

Nau Kơp Bunuyh 25:5

Pôri, Y-Môis lah ma kôranh phat dôih Israel: “Ăn ăp nơm khân may nkhĭt lĕ bunuyh tâm phung mpôl băl khân may nơm, nây jêng lĕ bunuyh nkuăk mâng mbăk nhhơr yơk mbah ma brah Baal-Pêôr.”

Yôsuê 7:26

Jêh nĕ, khân păng bun du mbŭch lŭ toyh ta klơ Y-Akan, ăt hôm kŏ tât ta nar aơ. Brah Yêhôva lĕ bah jêh nau ji nuih. Yor ri, bu ntơ ntŭk nây jêng rlŭng Akôr kŏ tât ta nar aơ.