Nau Kơp Bunuyh 25:6 - Nau Brah Ndu Ngơi 2023

⁶ Dôl nây, du huê tâm phung ƀon lan Israel djôt leo du huê bu ur Madian tât ta nklang oh nâu păng nơm, tanăp măt Y-Môis jêh ri tanăp măt lĕ rngôch phung ƀon lan Israel tâm rƀŭn, dôl lĕ rngôch phung ƀon lan Israel tâm rƀŭn nhhiăng nhĭm ta mpông Ngih Bok Nau Tâm Rƀŭn.

Nau Kơp Bunuyh 25:6 ပူးပေါင်းရင်းမြစ်များ

Nau Ntơm 37:28

Nôk phung tăch drăp Madian hăn rgăn ta nây, Phung nâu mphâk Y-Yôsep tă bơh ntu dak jêh nây tăch păng ma phung Madian ma rnoh bar jât rnglay prăk. Phung nây djôt Y-Yôsep leo ta Êjipt.

I Phung Hađăch 11:18

Khân păng du luh bơh n'gor Madian tât ma Paran. Jêh nây bơh Paran, khân păng djôt leo du rnoh bunuyh Paran hăn tât ta Êjipt jêh ri mpơl măt đah Pharaôn, hađăch n'gor Êjipt. Hađăch nây ăn ma Y-Hadat du mlâm ngih gŭ, ndơ sông sa jêh ri neh mir.

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 36:23

Ăp tơ̆ Y-Jêhudi rŏ geh pe puăn kô̆ tâm ndrom samƀŭt, hađăch sŏk pêh tor samƀŭt koh lơi jêh ri klŭp mƀăr tâm năk ŭnh, kŏ tât ŭnh sa lĕ ndrom samƀŭt tâm ŭnh năk.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Nau Kơp Bunuyh 16:47

Y-Arôn ƀư tĭng nâm Y-Môis lah jêh jêh ri păng nchuăt ta nklang phung tâm rƀŭn. Aơ, nau mhĭk hŏ ntơm jêh ta nklang phung ƀon lan. Y-Arôn nhhơr ndơ ƀâu kah jêh ri ƀư nau rƀŭn chuai nau tih ma phung ƀon lan.

Nau Kơp Bunuyh 22:4

Pôri, phung Môap lah ma phung kôranh bu ranh Madian: “Phung ƀon lan âk aơ mra rvăn lĕ rngôch phung ƀon lan gŭ jŭm he nâm bu ndrôk sa gơ̆ tâm mir.” Dôl nây, Y-Balak, kon bu klâu Y-Sipôr, hađăch n'gor Môap rnôk nây.

Nau Kơp Bunuyh 31:2

“Plơng har hom ma phung Madian yorlah phung ƀon lan Israel, jêh nau nây may mra hăn gŭ ndrel ma phung chô yau may.”

Yuđas 1:13

Khân păng tâm ban rbuh dak mƀŭt ma nau ktang, luh mpŭnh nau ƀơ̆ ƀơch khân păng nơm; khân păng nâm bu lĕ mănh mbing nhhơt, nau ngo vêt vê prăp ma khân păng n'ho ro.

Phung Kôranh Phat Dôih 2:4

Nôk tông mpăr Brah Yêhôva lah lĕ jêh nau nây ma lĕ rngôch phung Israel, phung ƀon lan Israel nhĭm nhhiăng hâu ngăn.