Nau Kơp Bunuyh 25:4 - Nau Brah Ndu Ngơi 2023

⁴ Brah Yêhôva lah ma Y-Môis: “Nhŭp hom lĕ rngôch kôranh chiă uănh tâm phung ƀon lan, yông khân păng tanăp Brah Yêhôva, ta nklang duh nar gay ma nau Brah Yêhôva ji nuih dơi aih du bơh Israel.”

Nau Kơp Bunuyh 25:4 ပူးပေါင်းရင်းမြစ်များ

II Samuel 21:6

dăn jao hom ma hên pơh nuyh tâm phung kon bu klâu păng, gay hên yông khân păng tra năp măt Brah Yêhôva ta Gibêa, ta ƀon Y-Sôl jêng nơm Brah Yêhôva hŏ săch jêh.” Hađăch lah: “Gâp mra jao khân păng.”

II Samuel 21:9

jêh ri jao khân păng tâm ti phung Gibêôn. Phung nây yông trô ko khân păng ta klơ yôk, tanăp Brah Yêhôva. Pơh nuyh khân păng khĭt ndrel du tơ̆, bu nkhĭt khân păng tâm nar bôk yan rek, jêng ntơm saơm yan rek ba ôrgơ.

Nau Mprơ Ơm 106:29

Pônây, khân păng nsônh nuih n'hâm Brah Ndu yor ma lĕ kan khân păng ƀư, Jêh ri nau ji khĭt tưp geh tât ta nklang khân păng.

Nau Ngluh Êjipt 18:25

Bơh tâm phung Israel, Y-Môis săch lĕ phung blau mĭn, ndâk khân păng jêng kôranh gay mât uănh ma rbăn nuyh, rhiăng nuyh, prăm jât nuyh, mâu lah ma jât nuyh.

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Nau Kơp Bunuyh 25:11

“Y-Phinêas, kon bu klâu Y-Êlêasar, sau kôranh ƀư brah Y-Arôn, hŏ ƀư roh jêh nau ji nuih Gâp ma phung ƀon lan Israel, yorlah ta nklang khân păng, păng geh nuih n'hâm duh nđơr Gâp gay tâm rdâng đah tih nau văng tĭr; tă bơh nĕ, Gâp mâu ƀư rai ôh phung ƀon lan Israel tâm nau blau ntôn.

Nau Kơp Bunuyh 25:18

Yorlah khân păng hŏ ƀư rkhŭk jêh ri ndơm khân may tâm nau nhhơr mbah brah Pêôr, jêh ri tâm nau H'Kôsbi, kon bu ur du huê kôranh chiă uănh Madian, jêng ruh khân păng. Bu nkhĭt H'Kôsbi nôk nau mhĭk tât yor phung ƀon lan nhhơr mbah ma brah Pêôr.”

Nau Vay Nkah Tay 13:11

Lĕ rngôch phung Israel mra tăng nau nây jêh ri klach, jêh ri mâu hôm ƀư ôh du nau djơh tâm ban pônây ta nklang khân may.

Nau Vay Nkah Tay 13:13

geh lĕ bunuyh mbruh nklă luh bơh ta nklang khân may, têk phung bunuyh gŭ tâm ƀon toyh nây pô aơ: ‘Ăn he hăn jêh ri yơk mbah ma phung brah êng’, jêng lĕ brah khân may mâu hŏ gĭt năl ôh,

Nau Vay Nkah Tay 13:15

ăn khân may sŏk đao sreh phung ƀon lan gŭ tâm ƀon toyh nây. Ƀư rai lơi lĕ ƀon toyh nây jêh ri lĕ ntil ndơ gŭ tâm nây; ƀư rai lĕ phung ƀon lan jêh ri lĕ mpô mpa rong tâm ƀon toyh. Sŏk đao sreh hom ăn lĕ.

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Nau Vay Nkah Tay 21:22

“Tơlah geh du huê bu ƀư tih khư ma nau khĭt jêh ri bu nkhĭt păng, yông hom păng klơ tơm si,

Nau Vay Nkah Tay 21:23

ƀiălah mâu dơi cha lat ôh săk jăn khĭt ta klơ tơm si lôch du măng, ƀiălah ăn khân may tâp ro păng tâm nar nây, yorlah mbu nơm bu yông klơ tơm si jêng nơm lĕ Brah Ndu de rak rtăp jêh. Khân may mâu dơi ƀư ƀơ̆ ôh n'gor neh Yêhôva Brah Ndu khân may ăn ma khân may jêng drăp ndơn.”

Nau Vay Nkah Tay 4:3

Măt khân may hŏ saơ jêh nau Brah Yêhôva ƀư jêh đah Baal-Pêôr nôk Yêhôva Brah Ndu ƀư rai jêh bơh nklang khân may lĕ rngôch bunuyh tĭng jêh Baal-Pêôr.

Yôsuê 22:17

Nau tih he ta ƀon Pêôr hŏ ƀư jêh nau mhĭk ma lĕ phung tâm rƀŭn Brah Yêhôva jêh ri n'ho tât ma aƀaơ ri he hôm ê hŏ rao kloh. Nau ƀư tih pônây mâu hŏ mpay lĕ ƀơh?

Yôsuê 23:2

Y-Yôsuê kuăl rgum lĕ rngôch phung Israel, phung kôranh bu ranh, phung kôranh chiă uănh, phung kôranh phat dôih, jêh ri kôranh tahan khân păng jêh ri lah pô aơ: “Aƀaơ ri gâp lĕ ranh, gŭ rêh jŏ năm jêh.