Nau Kơp Bunuyh 25:2 - Nau Brah Ndu Ngơi 2023

² Phung bu ur aơ jă phung ƀon lan Israel sa lĕ mpa ƀư brah nhhơr ma phung brah khân păng. Phung ƀon lan sa jêh ri chon mbah panăp phung brah khân păng.

Nau Kơp Bunuyh 25:2 ပူးပေါင်းရင်းမြစ်များ

I Phung Hađăch 19:18

Ƀiălah tâm n'gor Israel, Gâp hŏ prăp ma Gâp pơh rbăn nuyh mâu geh mâp chon ôh kômâk panăp brah Baal, jêh ri trôm mbung khân păng mâu mâp chŭm ôh păng.”

Nau Mprơ Ơm 106:28

Phung chô yau hên gŭ râng jêh tâm nau mbah brah Baal-Pêôr, Sa ndơ ƀư brah ma phung khĭt,

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 22:20

Mbu nhhơr mpa ƀư brah ma lĕ rngôch brah êng mâu tăp ma Brah Yêhôva ôh ăn bu nkhĭt lơi păng.

Nau Ngluh Êjipt 23:24

Lơi chon mbah jêh ri pah kan ma phung brah khân păng; lơi kơt nau kan khân păng ƀư. Ăn kon ƀư rai lĕ ƀhiau phung brah jêh ri mbang hăch ăn lĕ n'gâng khân păng mbah.

Nau Ngluh Êjipt 32:6

Ôi taơ phung ƀon lan dâk ơm ôi, nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Khân păng gŭ sông sa nhêt, Jêh nây dâk pâl ntalơ̆.

Yêrêmi 40:11

Tâm ban pônây, lĕ rngôch phung Yuđa dôl gŭ tâm bri Môap jêh ri ta nklang phung kon sau Ammôn, tâm ntŭk bri Êđôm jêh ri tâm bri êng tăng hađăch Babilôn hŏ om du phung hôm gŭ tay tâm n'gor bri Yuđa, jêh ri hŏ ndâk jêh Y-Gêdalia, kon bu klâu Y-Ahikam, sau Y-Saphan, jêng kôranh mât uănh,

Ndrom Samƀŭt bơh Ôsê 9:10

Gâp hŏ mâp Israel Nâm bu mâp rkŭm play krăk ƀâu tâm bri rdah; Gâp hŏ saơ chô yau khân may Nâm bu play bôk rah bôk yan ta klơ tơm play rvi nse. Ƀiălah khân păng hŏ tât Baal-Pêôr; Nhhơr săk jăn khân păng ăn ma ndơ khư bêk prêng, Jêh ri jêng ndơ ƀơ̆ nâm bu ndơ khân păng hŏ rŏng jêh.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

I Kôrintô 10:20

Mâu geh khlay ôh! Lĕ ndơ phung bu năch ƀư brah jêng ƀư brah ma phung brah mhĭk, mâu di nhhơr ma Brah Ndu ôh. Pôri, gâp mâu ŭch ôh khân may geh du kô̆ đah phung brah mhĭk.

Nau Vay Nkah Tay 32:38

Phung brah sa ngi mpa ƀư brah Jêh ri nhêt ndrănh ndơ nhhơr nhêt ntŭk êp? Kuăl phung brah nây dâk gay kơl khân may Jêh ri king n'gang khân may!

Yôsuê 22:17

Nau tih he ta ƀon Pêôr hŏ ƀư jêh nau mhĭk ma lĕ phung tâm rƀŭn Brah Yêhôva jêh ri n'ho tât ma aƀaơ ri he hôm ê hŏ rao kloh. Nau ƀư tih pônây mâu hŏ mpay lĕ ƀơh?

Yôsuê 23:16

Tơlah khân may rlau nau tâm rnglăp Yêhôva Brah Ndu khân may ntĭnh ntăm jêh ma khân may, jêh ri hăn pah kan ma phung brah êng jêh ri chon mon mbah panăp khân păng, rnôk nây Brah Yêhôva mra hao ji nuih ma khân may, jêh ri khân may mra rai yot gơnh ngăn bơh bri ueh Păng hŏ ăn jêh ma khân may.”

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.