Nau Kơp Bunuyh 24:9 - Nau Brah Ndu Ngơi 2023

⁹ Khân păng bê̆ch, păn nâm bu du mlâm yau mŭr nkuăng Jêh ri nâm bu du mlâm yau mŭr me. Mbu nơm mra rbĭch khân păng? Ngăn ăn nau ueh uĭn ma mbu nơm mra ăn nau ueh uĭn ma may, Rtăp rah hom ma mbu nơm mra rak rtăp ma may.”

Nau Kơp Bunuyh 24:9 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

Nau Ntơm 49:9

Y-Yuđa! May jêng du huê kon yau mŭr; Hơi nâu! Hăn nchron geh jêh ăn may hăn sĭt. Păng chon mon, gŭ mơch nâm bu yau mŭr nkuăng, Jêh ri tâm ban yau mŭr me. Mbu nănh lôr rkhŭk păng?

I Phung Hađăch 10:20

Rlau ma nây geh đŏng jât ma bar rup yau mŭr êng dâk ta klơ prao bak gung hao ta bar đah nây. Mâu hŏ geh ôh ƀon bri hađăch êng ƀư sưng hađăch tâm ban pônây.

II Nau Rêh Jêng 9:18

Sưng hađăch nây geh prao bak gung hao jêh ri du rnơl chrong jâng ndop ma mah ndơ nây tâm nkrêp đah sưng hađăch, bar đah ntŭk gŭ sưng hađăch geh ndơ rkơl ti, ta meng mpeh ndơ rkơl ti aơ geh bar mlâm rup yau mŭr.

Êsther 6:13

Y-Haman nkoch bri ma ur păng jêng H'Sêres jêh ri ma lĕ rngôch phung mĭt jiăng păng ăp ntil nau tât jêh ma păng. Nôk nây phung blau mĭn păng jêh ri H'Sêres, ur păng lah ma păng: “May ntơm tŭp jêh tanăp măt Y-Môrdêkai; tơlah păng jêng tâm mpôl phung Yuđa, pôri may mâu mra dơi ôh, ƀiălah n'hêl nanê̆ mra cha lôt tanăp păng.”

Ndrom Samƀŭt bơh Yôp 41:10

Trôm mbung păng bruh ŭnh rdo, Bruh ŭnh hit tă tâm trôm.

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Êsai 31:4

Brah Yêhôva lah jêh ma gâp tâm ban pônây: “Tâm ban ma yau mŭr mâu lah kon yau mŭr rđuh ngrông nôk păng dơi nhŭp mpa jêh, Nđâp tơlah du phung rmăk biăp rgum tay gay tâm rdâng đah păng, Păng mâu klach ôh yor nau bâr nter khân păng, Mâu yor nau drơu drơu ƀư ăn khân păng klach krit; Kơt nây đŏng, Brah Yêhôva ma phung tahan mra jŭr văch Gay tâm lơh ta klơ yôk Siôn jêh ri ta klơ yôk păng.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Nau Kơp Bunuyh 22:12

Brah Ndu lah ma Y-Balaam: “Lơi hăn ndrel ma khân păng, lơi rak rtăp ôh ma phung ƀon lan aơ, yorlah khân păng jêng phung ƀon lan geh jêh nau ueh uĭn.”

Nau Kơp Bunuyh 22:6

Aƀaơ, ăn may văch rak rtăp ma phung ƀon lan aơ, yorlah khân păng jêng ktang lơn ma gâp. Klăp lah gâp mra dăng ktang dơi lơh đah phung ƀon lan aơ jêh ri mprơh khân păng du luh bơh n'gor. Yorlah gâp gĭt mbu nơm may ăn nau ueh uĭn, păng mra geh nau ueh uĭn, jêh ri mbu nơm may rak rtăp, păng mra geh nau rak rtăp ngăn.”

Nau Kơp Bunuyh 23:24

Aơ du phung ƀon lan dâk nâm bu du mlâm yau mŭr me, Jêh ri khân păng du dâk nâm bu du mlâm yau mŭr nkuăng; Păng knŏng kuen nôk păng hêk sa mpa Jêh ri nhêt mham lĕ mpa păng hŏ nkhĭt.”

Nau Kơp Bunuyh 24:10

Dôl nây, Y-Balak hao ji nuih ma Y-Balaam, bar ti mbang lăp ndrăng jêh ri lah ma Y-Balaam: “Gâp kuăl jêh may gay ăn may rak rtăp ma phung rlăng gâp, ƀiălah may ăn nau ueh uĭn ma khân păng pe tơ̆ jêh!

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 25:45

Păng mra plơ̆ lah pô aơ: ‘Nanê̆, Gâp lah ma khân may, nôk khân may mâu mâp ƀư nau aơ ma du huê jê̆ lơn tâm phung bunuyh aơ, jêng nâm bu khân may mâu mâp ƀư ma Gâp tâm ban lĕ.’

Kôranh Oh Mon 9:5

Păng ơh: “Ơ Kôranh Brah, mbu May?” Kôranh Brah lah: “Gâp jêng Brah Yêsu Nơm may ƀư djơh.

Nau Vay Nkah Tay 30:7

Yêhôva Brah Ndu khân may mra ntŭp lĕ rngôch nau rak rtăp ta klơ phung rlăng khân may, ta klơ phung tâm rmot jêh ri ƀư rêh ni khân may.