Nau Kơp Bunuyh 24:8 - Nau Brah Ndu Ngơi 2023

⁸ Brah Ndu hŏ njŭn jêh khân păng luh bơh n'gor Êjipt; Khân păng geh nau ktang nâm ndrôk bri, Mra rvăn lĕ bri dak rlăng ma khân păng, Nkê̆ch lơi jêh nting khân păng jêng âk gâl, Jêh ri pănh ma hăr ƀư rai khân păng.

Nau Kơp Bunuyh 24:8 ပူးပေါင်းရင်းမြစ်များ

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 21:12

Kôranh Brah mra ăn khân păng plơ̆ nchuăt du, May van na pănh ta măt khân păng.

Nau Mprơ Ơm 45:5

Lĕ hăr mplanh may Ntâp bluh ta play nuih phung rlăng may; Phung ƀon lan prah tâm dâng jâng may da dê.

Nau Mprơ Ơm 45:6

Ơ Brah Ndu, sưng hađăch May hôm ƀaƀơ n'ho ro; Nau dơi ƀon bri hađăch May jêng nau dơi sŏng.

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Êsai 38:13

Gâp gŭ klăk klêm kŏ tât ôi, Ƀiălah Păng hŏ nkhêk lơi lĕ nting gâp tâm ban ma yau mŭr. Ơm ôi hôm tât măng roh, Kôranh Brah nglĕ dŭt nau rêh gâp!

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Nau Kơp Bunuyh 21:5

Phung ƀon lan ngơi tâm rdâng đah Brah Ndu jêh ri Y-Môis. Khân păng lah: “Mâm may njŭn hên du luh bơh n'gor Êjipt ăn khĭt tâm bri rdah nây? Yorlah ta aơ mâu geh piăng let jêh ri mâu geh dak nhêt, jêh ri hên tâm rmot ma ndơ sông sa dơm dam aơ.”

Nau Kơp Bunuyh 23:22

Brah Ndu hŏ njŭn leo phung ƀon lan nây luh bơh n'gor Êjipt; Khân păng geh nau ktang nâm ndrôk bri.

Nau Kơp Bunuyh 23:24

Aơ du phung ƀon lan dâk nâm bu du mlâm yau mŭr me, Jêh ri khân păng du dâk nâm bu du mlâm yau mŭr nkuăng; Păng knŏng kuen nôk păng hêk sa mpa Jêh ri nhêt mham lĕ mpa păng hŏ nkhĭt.”

Mathay 2:15

jêh nây khân păng gŭ ta nây kŏ tât hađăch Hêrôt khĭt. Nau nây tât geh gay nau Kôranh Brah lah dŏng bâr mbung nơm mbơh lor dơi tât di ngăn: “Gâp kuăl jêh Kon Gâp ngluh tă bơh Êjipt.”

Nau Vay Nkah Tay 32:23

Gâp mra bun nau mhĭk ta klơ khân păng, Pănh ma hăr mplônh lăp ta khân păng.

Nau Vay Nkah Tay 32:42

Gâp mra ƀư ma hăr djrêp mham, Măt đao sa rvăn puăch, Jêng mham bơh phung bunuyh bu nă jêh ri phung bu sreh nkhĭt jêh, Bôk phung kôranh tahan rlăng.”

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 2:10

Yorlah hên tăng jêh nôk khân may du luh bơh n'gor bri Êjipt, Brah Yêhôva hŏ ƀư jêh Dak Mƀŭt Chăng suăt lơi ta tra năp khân may, jêh ri hên tăng đŏng nau khân may hŏ ƀư jêh ma Y-Sihôn jêh ri Y-Ôk, bar hê hađăch phung Amôrit, gŭ ta đah ri dak krong Yurdan, khân may ƀư rai lĕ.