Nau Kơp Bunuyh 24:6 - Nau Brah Ndu Ngơi 2023

⁶ Nâm bu rlŭng lĭ lam, Nâm bu n'gar trao ta meng kơh dak krong, Nâm bu tơm si alôê Brah Yêhôva hŏ tăm, Nâm bu tơm si sêdar ta meng n'hor dak.

Nau Kơp Bunuyh 24:6 ပူးပေါင်းရင်းမြစ်များ

Nau Ntơm 13:10

Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 104:16

Tơm si Brah Yêhôva dơi djrah ma mih n'hach, Tơm si sêdar n'gor Liban Păng tăm jêh.

Nau Mprơ Ơm 45:8

Ao may n'hôl ƀâu kah, dak si tăng, alôê jêh ri sinamôn; Bơh tâm ngih hađăch ƀư ma la, nteh gong rêng ma rse ƀư maak nuih n'hâm may.

Nau Mprơ Ueh 6:11

Gâp hăn jŭr ta đang play nhhăr, Gay uănh nkeh nse tâm rlŭng, Uănh đang krăk ƀâu hŏ chăt nkŭr, Pom gra nat hŏ luh kao mâu lah ê hŏ.

Êsai 41:19

Gâp mra dơm tâm bri rdah tơm si sêdar, Tơm si akasi, tơm si mirtơ, jêh ri tơm ôlive; Gâp mra tăm tâm ndrêch rdah tơm si chiprơ, Tơm si n'ho, jêh ri ndrel ma tơm si buis.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Yêrêmi 17:18

Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Êsêkiêl 47:12

Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Nau Kơp Bunuyh 24:5

Hơi Y-Yakôb! Ueh ngăn ngih bok may! Hơi Y-Israel! Ueh ngăn ntŭk may gŭ!