Nau Kơp Bunuyh 24:5 - Nau Brah Ndu Ngơi 2023

⁵ Hơi Y-Yakôb! Ueh ngăn ngih bok may! Hơi Y-Israel! Ueh ngăn ntŭk may gŭ!

Nau Kơp Bunuyh 24:5 ပူးပေါင်းရင်းမြစ်များ

Nêhêmi 13:2

yorlah khân păng mâu djôt leo piăng let jêh ri dak gay ran phung ƀon lan Israel, ƀiălah sŏk prăk nkhôm Y-Balaam văch rak rtăp ma phung ƀon lan Israel (ƀiălah Brah Ndu he rgâl nau rak rtăp nây jêng du nau ueh lăng.)

Nau Mprơ Ơm 84:2

Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Ngluh Êjipt 38:21

Aơ jêng rnoh kơp lĕ ndơ dŏng ma Ngih Bok, jêng Ngih Bok Nau Tâm Rnglăp, kơp tĭng nâm nau vay ntăm Y-Môis ntĭnh ăn ma phung Lêvi, tĭng nâm Y-Ithamar gai, păng jêng kon bu klâu kôranh ƀư brah Y-Arôn.

Nau Mprơ Ueh 4:7

Hơi nơm gâp rŏng, ay ueh reh ngăn, Mâu khap mâu têl khap jât kô̆ nŭm jât.

Nau Mprơ Ueh 6:4

Hơi nơm gâp rŏng, ay ueh nâm bu ƀon Tirsa Rom nkrơ̆ nâm bu ƀon Yêrusalem, Rnam nâm bu tahan yơr kơ rduh tâm lơh.

Kan Lêvi 23:42

Khân may mra gŭ tâm ngih bok tâm pơh nar. Lĕ rngôch phung ƀon lan bu deh jêh jêng phung ƀon lan Israel, mra gŭ hom tâm ngih bok da dê,

Malachi 2:12

Mbu moh ƀư nau nây, mâu lah ma nơm gĭt vât dơi plơ̆ lah, mâu lah nơm djôt leo ndơ nhhơr ƀư brah ma Brah Yêhôva ma phung tahan, pôri Brah Yêhôva mra ƀư rai da dê khân păng tă bơh ngih bok phung Yakôb.

Nau Kơp Bunuyh 2:34

Pôri phung ƀon lan Israel ƀư di nâm nau Brah Yêhôva hŏ ntăm jêh ma Y-Môis. Khân păng ndâk ngih bok tĭng nâm ăp phung jêh ri hăn du luh tĭng nâm ăp ndŭl mpôl jêh ri noi deh khân păng nơm.”

Nau Kơp Bunuyh 24:2

Y-Balaam n'gơr uănh, păng saơ Israel ndâk ngih bok tĭng nâm ăp ndŭl mpôl, Huêng Brah Brah Ndu văch gŭ ta păng

Nau Kơp Bunuyh 24:4

Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh:

Nau Kơp Bunuyh 24:6

Nâm bu rlŭng lĭ lam, Nâm bu n'gar trao ta meng kơh dak krong, Nâm bu tơm si alôê Brah Yêhôva hŏ tăm, Nâm bu tơm si sêdar ta meng n'hor dak.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Yôsuê 24:10

Ƀiălah Gâp mâu ŭch iăt nau Y-Balaam ôh; yor ri, păng nchâp ăn nau ueh uĭn ma khân may, jêh ri Gâp hŏ rklaih jêh khân may bơh ti Y-Balak.