Nau Kơp Bunuyh 24:4 - Nau Brah Ndu Ngơi 2023

⁴ Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh:

Nau Kơp Bunuyh 24:4 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 15:12

Kêng nar nhâp, Y-Abram lêt bê̆ch; jêh ri aơ, nau ngo klĕng, nau klach hâu ngăn, jêh ri nau ngo mbâl tŭp nkŭm klơ păng.

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

Nau Mprơ Ơm 89:19

Rnôk nây, May lah ma phung kloh ueh May tâm nau tâm saơ, pô aơ: “Gâp dơm jêh du huê nơm ktang gay ma kơl may, Jêh ri n'hao du huê bunuyh dơi săch tă bơh nklang phung ƀon lan.

Êsêkiêl 1:28

Nchrat nchrang gâp saơ jŭm ntŭk nây nâm bu nau ang bêh tŭng tĭng tâm tŭk dôl nar mih. Nây jêng nau tâm mpơl rup nau chrêk rmah Brah Yêhôva. Tơlah gâp saơ pônây, gâp păn muh măt ta neh jêh ri gâp tăng bâr dôl lah ma gâp.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Kơp Bunuyh 22:20

Dôl măng, Brah Ndu tât ma Y-Balaam jêh ri lah ma păng: “Yorlah phung nây văch jă, pôri may hăn hom ndrel ma khân păng, ƀiălah ăn may ƀư tĭng kơt lĕ nau Gâp ntĭnh ma may.”

Nau Kơp Bunuyh 22:31

Nôk nây, Brah Yêhôva pơk măt Y-Balaam jêh ri Y-Balaam saơ tông mpăr Brah Yêhôva dâk ta nklang trong, djôt đao rnglay tâm ti păng. Y-Balaam kŭnh bôk păng nơm, chŭn muh măt ta neh.

Nau Kơp Bunuyh 24:15

Y-Balaam ngơi mbơh lor pô aơ: “Nau mbơh lor Y-Balaam kon bu klâu Y-Bêôr ngơi, Nau mbơh lor tă bơh bunuyh geh măt lin jêh,

Nau Kơp Bunuyh 24:5

Hơi Y-Yakôb! Ueh ngăn ngih bok may! Hơi Y-Israel! Ueh ngăn ntŭk may gŭ!

Kôranh Oh Mon 10:10

Păng ji ngot jêh ri ŭch sông sa, ƀiălah dôl bu ƀư nkra ndơ sông sa păng geh nau tâm saơ.

Kôranh Oh Mon 10:19

Dôl Y-Pêtrôs mĭn ma nau tâm mpơl nây, Brah Huêng Ueh lah ma păng: “Aơ, geh pe nuyh joi may.

Kôranh Oh Mon 22:17

Gâp plơ̆ sĭt ta ƀon Yêrusalem; dôl gâp gŭ mbơh sơm tâm ngih brah, gâp geh tât ma nau tâm saơ

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng

Nau Tâm Mpơl 1:17

Tơlah saơ Păng, gâp cha lôt ta jâng Păng nâm bu khĭt. Ƀiălah Păng pah ti ma Păng klơ gâp jêh ri lah: “Lơi klach ôh, Gâp jêng Nơm Lor Lơn jêh ri Nơm Nglĕ Dŭt,

I Samuel 19:24

Păng doh lơi bok ao păng, ngơi mbơh lor tâm ban lĕ tanăp Y-Samuel, jêh nây păng gŭ rhôk tâm ban pônây lâng săk ta neh lôch du nar nây jêh ri măng nây đŏng. Yor nây, bu lah: “Di lĕ nđâp ma Y-Sôl nơm lĕ jêng du huê tâm phung nơm mbơh lor?”