Nau Kơp Bunuyh 23:9 - Nau Brah Ndu Ngơi 2023

⁹ Yorlah bơh klơ n'gơn yôk gâp saơ Israel, Tă bơh chor prêh, gâp uănh khân păng: Aơ jêng du phung ƀon lan prăp êng, Jêh ri mâu kơp ôh păng nơm ndrel ma phung mpôl băl bunuyh.

Nau Kơp Bunuyh 23:9 ပူးပေါင်းရင်းမြစ်များ

Êsra 9:2

Khân păng jêh ri phung kon bu klâu khân păng hŏ sŏk jêh phung kon bu ur phung nây, ăn jêng ur ma khân păng nơm, ƀư ma noi deh kloh ueh hŏ tâm pot đah phung ntil mpôl bunuyh gŭ tâm n'gor aơ. Nanê̆, phung kôranh jêh ri phung kôranh chiă uănh jêng phung ƀư tih jâk lơn.”

Êsther 3:8

Y-Haman lah ma hađăch Y-Asuêrus pô aơ: “Geh du phung ƀon lan chah rai, gŭ lam ta nklang phung mpôl băl tâm lĕ ƀon bri hađăch; nau vay khân păng êng đah nau vay phung mpôl băl êng, jêh ri khân păng mâu djôt prăp ôh nau vay hađăch. Yor ri, ăn nau yô̆ ma khân păng mâu jêng ueh ôh ma hađăch.

Nau Ngluh Êjipt 33:16

Tơlah May mâu hăn ndrel ma hên, mâm bu gĭt ngăn ma gâp jêh ri phung ƀon lan May geh nau yô̆ tanăp măt May? Geh May hăn ndrel, gâp jêh ri phung ƀon lan May mra dơi tâm nkhah bơh phung ƀon lan êng klơ neh.”

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 49:31

Brah Yêhôva lah: “Dâk hom, rduh lơh du phung ndŭl mpôl mâu geh nau mĭn rvê ôh, Dôl gŭ đăp mpăn, Mpông mâu geh nchăng, mâng rnăng mâu nđăng Jêng du ntŭk gŭ êng.

Amôt 9:9

“Yorlah aơ, Gâp mra ntĭnh jêh ri mra ƀư nchah rai ngih Israel ta nklang lĕ rngôch mpôl băl bunuyh Nâm bu nsiăng ba ƀlê tâm dông Ƀiălah mâu geh du găr jê̆ mra tŭp ôh ta neh.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Nau Vay Nkah Tay 32:8

Lah Nơm Dŭt Prêh tâm pă drăp ndơn ma lĕ phung ƀon lan, Jêh ri tâm nkhah phung kon bunuyh, Pôri Păng tâm nal n'har neh ma lĕ rngôch ntil mpôl băl bunuyh Tĭng nâm rnoh phung ƀon lan Israel.

Nau Vay Nkah Tay 33:28

Yorlah pônây knŏng geh du phung Israel gŭ tâm nau ueh đăp mpăn; Dak N'hor Yakôb hoch djrah an Tâm ntŭk n'gor geh ba jêh ri ndrănh, Bêng dak ngom truh tă bơh trôk.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.