Nau Kơp Bunuyh 23:30 - Nau Brah Ndu Ngơi 2023

³⁰ Pôri, Y-Balak ƀư tĭng nâm nau Y-Balaam lah jêh. Păng nhhơr du mlâm ndrôk nkuăng jêh ri du mlâm biăp nkuăng jêng ndơ ƀư brah gŭch ta klơ ăp nơng ƀư brah.

Nau Kơp Bunuyh 23:30 ပူးပေါင်းရင်းမြစ်များ

II Samuel 15:12

Dôl Y-Apsalôm nhhơr mpa ƀư brah, păng prơh bu hăn jă Y-Ahitôpel, bunuyh Gilô, jêng nơm nchră ma Y-Đavit, văch bơh Gilô. Nau tâm rdâng nây lơ hâu ktang lơn, jêh ri rnoh bunuyh phung ƀon lan tĭng ndô̆ Y-Apsalôm jêng lơ hâu âk.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Nau Kơp Bunuyh 22:40

Y-Balak nkhĭt ndrôk jêh ri biăp, jêh ri prơh bunuyh djôt leo nhhơr ma Y-Balaam jêh ri phung kôranh chiă uănh Môap dôl gŭ ndrel ma păng.

Nau Kơp Bunuyh 23:1

Y-Balaam lah ma Y-Balak: “Ndâk hom ta aơ ma gâp pơh mlâm nơng ƀư brah jêh ri ta aơ nkra ma gâp pơh mlâm ndrôk nkuăng jêh ri pơh mlâm biăp nkuăng.”

Nau Kơp Bunuyh 23:2

Y-Balak ƀư di tĭng nâm Y-Balaam lah jêh. Y-Balak ndrel Y-Balaam nhhơr du mlâm ndrôk nkuăng jêh ri du mlâm biăp nkuăng ta klơ ăp nơng ƀư brah.

Nau Kơp Bunuyh 23:29

Y-Balaam lah ma Y-Balak: “Ndâk hom ta aơ ma gâp pơh mlâm nơng ƀư brah jêh ri ndrăp lor ta aơ ma gâp pơh mlâm ndrôk nkuăng jêh ri pơh mlâm biăp nkuăng.”

Nau Kơp Bunuyh 24:1

Tơlah Y-Balaam saơ rah vah Brah Yêhôva ŭch ăn nau ueh uĭn ma phung Israel, păng mâu hôm joi kô̆ n'hŭm pol nâm ăp tơ̆ lor, ƀiălah păng rle muh măt păng mpeh bri rdah.