Nau Kơp Bunuyh 23:23 - Nau Brah Ndu Ngơi 2023

²³ Mâu geh nau ngơi n'hŭm-chrâng ôh dơi tâm rdâng đah phung Yakôb, Mâu đŏng geh n'hŭm pol dơi tâm rdâng đah phung Israel; Yorlah tât dôl bu mra nkoch ma Yakôb jêh ri Israel pô aơ: ‘Brah Ndu ƀư jêh lĕ nau kan khlay ngăn ngên!’

Nau Kơp Bunuyh 23:23 ပူးပေါင်းရင်းမြစ်များ

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Mprơ Ơm 31:19

Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Nau Mprơ Ơm 64:9

Lĕ rngôch bunuyh mra klach da dê, Khân păng mra mbơh nau kan Brah Ndu. Jêh ri gĭt rbăng rah vah nau păng ƀư jêh.

Êsai 41:4

Mbu nơm hŏ ƀư jêh ri ƀư lôch jêh nau nây? Mbu nơm hŏ kuăl jêh lĕ rngôch rô̆ bơh ntơm saơm? Gâp yơh ƀư, Brah Yêhôva, Nơm Lor Lơn jêh ri Nơm Nglĕ Dŭt.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsêkiêl 21:21

May hăn hom rduh lơh mpeh pa ma jêh ri dăp tahan mpeh pa chiau tĭng nâm ntŭk măt may rle.

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Mika 7:15

Gâp mra tâm mpơl ma khân păng lĕ nau mbên khlay, Nâm bu tâm lĕ nar khân păng du luh tă bơh n'gor bri Êjipt.

Nau Kơp Bunuyh 24:1

Tơlah Y-Balaam saơ rah vah Brah Yêhôva ŭch ăn nau ueh uĭn ma phung Israel, păng mâu hôm joi kô̆ n'hŭm pol nâm ăp tơ̆ lor, ƀiălah păng rle muh măt păng mpeh bri rdah.

Mathay 12:25

Brah Yêsu gĭt nau mĭn khân păng jêh ri lah: “Ƀon bri hađăch tâm nkhah tâm pă păng nơm mra rai yot, ăp ƀon mâu lah ăp ngih tâm nkhah tâm pă păng nơm mâu mra dơi gŭ ƀaƀơ ôh.

Mathay 12:27

Tơlah Gâp mprơh brah mhĭk tâm amoh Bêlsêbul, bi phung kon khân may tă mbu nơm mprơh brah mhĭk? Yor nây, khân păng nơm yơh mra phat dôih khân may.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Yôhan 11:47

Yor ri, phung Kôranh ƀư brah toyh jêh ri phung Pharisi rgum Mpôl Kôranh Phat Dôih, jêh ri lah pô aơ: “Mâm he mra ƀư? Bunuyh nây ƀư âk ir nau mbên khlay.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 15:12

Lĕ rngôch phung rƀŭn gŭ rklăk, iăt nau Y-Ƀarnaƀas jêh ri Y-Pôl nkoch bri lĕ rngôch nau mbên khlay jêh ri nau khlay, Brah Ndu đă khân păng ƀư jêh ta nklang phung bu năch.

Kôranh Oh Mon 4:16

jêh ri lah: “Mâm nau he mra ƀư ma phung bunuyh aơ? Yorlah lĕ rngôch bunuyh gŭ ta ƀon Yêrusalem gĭt da dê khân păng hŏ ƀư du nau mbên khlay rah vah nanê̆ jêh ri he mâu dơi rlăch ôh.

Kôranh Oh Mon 5:12

Nôk nây, phung kôranh oh mon ƀư âk nau khlay jêh ri nau mbên khlay ta nklang phung ƀon lan. Lĕ rngôch phung chroh du nau mĭn tâm rƀŭn tâm dâng ndring mpông Salômôn.

Kôranh Oh Mon 5:14

Phung chroh ma Kôranh Brah ƀrư̆ nar lơ hâu ntop âk râk, nđâp ma bu ur bu klâu,

Samƀŭt Pôl Njuăl Ăn Ma Phung Nsing Ta Ƀon Rôm 16:20

Brah Ndu nau đăp mpăn mra gơnh jot Satan tâm dâng jâng khân may. Mbơh sơm dăn nau yô̆ bơh Kôranh Brah he jêng Brah Yêsu gŭ ndrel ma khân may!

Nau Vay Nkah Tay 3:24

‘Hơi Yêhôva Brah Ndu, May hŏ ntơm mpơl jêh ma oh mon May saơ nau chrêk rmah jêh ri ti nau brah May. Yorlah, mbu brah klơ trôk mâu lah ta neh ntu dơi ƀư lĕ nau kan jêh ri ƀư nau brah tâm ban ma May?

Yôsuê 13:22

Đơ phung khĭt tă bơh đao phung ƀon lan phung Israel, geh Y-Balaam jêng nơm ƀŭk rƀên, kon bu klâu Y-Bêôr.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.