Nau Kơp Bunuyh 22:6 - Nau Brah Ndu Ngơi 2023

⁶ Aƀaơ, ăn may văch rak rtăp ma phung ƀon lan aơ, yorlah khân păng jêng ktang lơn ma gâp. Klăp lah gâp mra dăng ktang dơi lơh đah phung ƀon lan aơ jêh ri mprơh khân păng du luh bơh n'gor. Yorlah gâp gĭt mbu nơm may ăn nau ueh uĭn, păng mra geh nau ueh uĭn, jêh ri mbu nơm may rak rtăp, păng mra geh nau rak rtăp ngăn.”

Nau Kơp Bunuyh 22:6 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 27:29

Ăn lĕ bunuyh ƀon lan pah kan ma may, Lĕ bri dak chon mon ta may! Chiă uănh hom ma phung oh nâu may, Phung kon bu klâu mê̆ may chon mon ma may da dê! Mbu nơm rtăp rak kon mra dơn nau bu rtăp rak tay, Mbu nơm dăn nau ueh uĭn ma may mra geh nau ueh uĭn tay.”

I Phung Hađăch 22:13

Tâm nôk nây, phung mbơh hŏ hăn kuăl Y-Mika lah ma păng pô aơ: “Aơ, lĕ phung nơm mbơh lor ngơi du ai mbơh nau ueh ma hađăch. Dăn ma may ngơi hom nâm bu nau khân păng ngơi jêh ri mbơh nau ueh.”

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

Nêhêmi 13:2

yorlah khân păng mâu djôt leo piăng let jêh ri dak gay ran phung ƀon lan Israel, ƀiălah sŏk prăk nkhôm Y-Balaam văch rak rtăp ma phung ƀon lan Israel (ƀiălah Brah Ndu he rgâl nau rak rtăp nây jêng du nau ueh lăng.)

Nau Mprơ Ơm 109:28

Khân păng rak rtăp gâp, ƀiălah May ăn nau ueh uĭn ma gâp. Tơlah khân păng dâk, bu mra ƀư bêk khân păng, Bi ma phung oh mon May mra răm maak.

Nau Hôr 26:2

Nâm bu sĭm srai mpăr, nâm bu rlêng mpăr her, Nau rak rtăp mâu geh kô̆ tâm ban lĕ, păng mâu mra tât ôh.

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

Nau Kơp Bunuyh 22:12

Brah Ndu lah ma Y-Balaam: “Lơi hăn ndrel ma khân păng, lơi rak rtăp ôh ma phung ƀon lan aơ, yorlah khân păng jêng phung ƀon lan geh jêh nau ueh uĭn.”

Nau Kơp Bunuyh 22:17

yorlah gâp mra nkhôm toyh ma may jêh ri ăn may ăp moh nau may ŭch. Hăn văch rak rtăp hom ma phung ƀon lan aơ.’”

Nau Kơp Bunuyh 23:13

Y-Balak lah ma Y-Balaam: “Hăn hom ndrel ma gâp tât du ntŭk êng, tă bơh ntŭk nây may dơi saơ Phung ƀon lan aơ. Ƀiălah may mra saơ knŏng du kô̆, ƀiălah mâu mra saơ ôh lĕ rngôch khân păng. Ta nây, may mra rak rtăp hom khân păng.”

Nau Kơp Bunuyh 23:27

Y-Balak lah ma Y-Balaam: “Văch hom aơ, gâp mra njŭn may ma ntŭk êng. Klăp lah Brah Ndu mra di nuih ăn may dơi rak rtăp ma phung ƀon lan aơ ta nây.”

Nau Kơp Bunuyh 24:9

Khân păng bê̆ch, păn nâm bu du mlâm yau mŭr nkuăng Jêh ri nâm bu du mlâm yau mŭr me. Mbu nơm mra rbĭch khân păng? Ngăn ăn nau ueh uĭn ma mbu nơm mra ăn nau ueh uĭn ma may, Rtăp rah hom ma mbu nơm mra rak rtăp ma may.”

Kôranh Oh Mon 16:16

Du nar, hên hăn tât ntŭk mbơh sơm, hên tâm mâp đah du huê oh mon bu ur geh brah mhĭk Pithôn lăp jêh ri păng n'hao ndrŏng ma kôranh păng tâm nau n'hŭm pol.

Nau Vay Nkah Tay 23:4

Yorlah dôl khân may luh bơh Êjipt, khân păng mâu djôt leo ôh piăng let jêh ri dak gay ran vơt khân may, jêh ri khân păng hŏ nkhôm jêh Y-Balaam kon bu klâu Bêôr ƀon Pêthôr n'gor Aram Naharaim văch gay rak rtăp khân may.

Yôsuê 24:9

Y-Balak, kon bu klâu Y-Sipôr, hađăch bri Môap, dâk tâm lơh đah phung Israel jêh ri păng prơh bu hăn jă Y-Balaam, kon bu klâu Y-Bêôr, đă rak rtăp ma khân may.

I Samuel 17:43

Bu klâu Philistin lah ma Y-Đavit: “Gâp mâu jêng nâm bu so, dĭng may djôt mâng jra văch ma gâp?” Jêh nây bu klâu Philistin rak rtăp ma Y-Đavit ma amoh phung brah păng,