Nau Kơp Bunuyh 22:5 - Nau Brah Ndu Ngơi 2023

⁵ Hađăch prơh phung mbơh tât ma Y-Balaam, kon bu klâu Y-Bêôr ta ƀon Pêthôr, dăch dak krong Ơphrat, tâm n'gor phung kon sau Ammô, jêh ri lah: “Aơ, du phung ƀon lan hŏ du luh jêh bơh Êjipt, khân păng nkŭm lam klơ neh ntu jêh ri khân păng dôl ndâk ngih bok tâm tra đah gâp.

Nau Kơp Bunuyh 22:5 ပူးပေါင်းရင်းမြစ်များ

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Mprơ Ơm 105:24

Brah Yêhôva ƀư ma phung ƀon lan Păng bĭk âk, Ăn khân păng ktang lơn ma phung rlăng khân păng.

Nau Ngluh Êjipt 10:15

Khân păng nkŭm lam klơ neh kŏ tât lam n'gor jêng krăk kher, sa grăch lĕ rngôch tơm si tâm mir jêh ri lĕ ntil play tơm si tă mih tŭp pler hôm e om. Lam n'gor Êjipt mâu hôm geh du ntil tơm si mâu lah n'ha biăp ndrêh tâm mir.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

Nau Kơp Bunuyh 23:7

Y-Balaam lah nau mbơh lor pô aơ: “Y-Balak, hađăch n'gor Môap, jă gâp văch tă bơh n'gor Aram, Tă bơh klơ dor yôk mpeh luh nar, jêh ri lah: ‘Văch rtăp hom ma phung Yakôb! Văch hom, ngơi mhĭk ma phung Israel!’

Nau Kơp Bunuyh 31:8

Tâm rnoh phung khĭt geh prăm nuyh hađăch Madian amoh jêng: Y-Êvi, Y-Rêkem, Y-Sur, Y-Hur jêh ri Y-Rêba. Khân păng sŏk đŏng đao gay nkhĭt Y-Balaam, kon bu klâu Y-Bêôr.

Nau Vay Nkah Tay 23:4

Yorlah dôl khân may luh bơh Êjipt, khân păng mâu djôt leo ôh piăng let jêh ri dak gay ran vơt khân may, jêh ri khân păng hŏ nkhôm jêh Y-Balaam kon bu klâu Bêôr ƀon Pêthôr n'gor Aram Naharaim văch gay rak rtăp khân may.

Nau Vay Nkah Tay 23:5

Ƀiălah Yêhôva Brah Ndu khân may mâu iăt ôh nau Y-Balaam, yor ri Yêhôva Brah Ndu hŏ rgâl nau rak rtăp jêng nau ueh uĭn ma khân may, yorlah Yêhôva Brah Ndu khân may rŏng ma khân may.

Yôsuê 13:22

Đơ phung khĭt tă bơh đao phung ƀon lan phung Israel, geh Y-Balaam jêng nơm ƀŭk rƀên, kon bu klâu Y-Bêôr.

Yôsuê 24:9

Y-Balak, kon bu klâu Y-Sipôr, hađăch bri Môap, dâk tâm lơh đah phung Israel jêh ri păng prơh bu hăn jă Y-Balaam, kon bu klâu Y-Bêôr, đă rak rtăp ma khân may.

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.