Nau Kơp Bunuyh 22:4 - Nau Brah Ndu Ngơi 2023

⁴ Pôri, phung Môap lah ma phung kôranh bu ranh Madian: “Phung ƀon lan âk aơ mra rvăn lĕ rngôch phung ƀon lan gŭ jŭm he nâm bu ndrôk sa gơ̆ tâm mir.” Dôl nây, Y-Balak, kon bu klâu Y-Sipôr, hađăch n'gor Môap rnôk nây.

Nau Kơp Bunuyh 22:4 ပူးပေါင်းရင်းမြစ်များ

I Phung Hađăch 11:18

Khân păng du luh bơh n'gor Madian tât ma Paran. Jêh nây bơh Paran, khân păng djôt leo du rnoh bunuyh Paran hăn tât ta Êjipt jêh ri mpơl măt đah Pharaôn, hađăch n'gor Êjipt. Hađăch nây ăn ma Y-Hadat du mlâm ngih gŭ, ndơ sông sa jêh ri neh mir.

Nau Ngluh Êjipt 15:15

Phung kôranh n'gor Êđôm geh nau rŭng răng; Phung nanh janh n'gor Môap râm sâr; Lĕ rngôch phung Kanaan krit kir da dê.

Yêrêmi 48:38

Tâm ăp ta klơ chor ngih Môap, tâm ntŭk nhuang ƀon mâu geh padih nau nhĭm vơl, yorlah Gâp hŏ mbang chah jêh bri Môap nâm bu du mlâm yăng bu mâu hôm ŭch đŏng ôh.” Brah Yêhôva lah pônây.

Nau Kơp Bunuyh 22:2

Y-Balak, kon bu klâu Y-Sipôr, saơ jêh rah vah lĕ nau phung Israel hŏ ƀư jêh ma phung Amôrit.

Nau Kơp Bunuyh 22:7

Pôri phung kôranh bu ranh n'gor Môap jêh ri phung kôranh bu ranh n'gor Madian dâk hăn, djôt leo ndơ nhhơr ma phung n'hŭm. Khân păng tâm mâp đah Y-Balaam jêh ri nkoch tay lĕ nau ngơi Y-Balak.

Nau Kơp Bunuyh 24:17

Gâp saơ Păng, ƀiălah mâu di aƀaơ ôh; Gâp uănh Păng, ƀiălah mâu di gŭ dăch ôh; Du mănh mbing mra luh bơh phung Yakôb, Du mlâm mâng jra hađăch mra luh bơh phung Israel; Păng mra ƀư rlâm lơi rho ndăr kleng n'gor Môap Jêh ri đon hađăch tă bơh noi deh Set.

Nau Kơp Bunuyh 25:6

Dôl nây, du huê tâm phung ƀon lan Israel djôt leo du huê bu ur Madian tât ta nklang oh nâu păng nơm, tanăp măt Y-Môis jêh ri tanăp măt lĕ rngôch phung ƀon lan Israel tâm rƀŭn, dôl lĕ rngôch phung ƀon lan Israel tâm rƀŭn nhhiăng nhĭm ta mpông Ngih Bok Nau Tâm Rƀŭn.

Nau Kơp Bunuyh 31:1

Brah Yêhôva lah ma Y-Môis:

Nau Kơp Bunuyh 31:8

Tâm rnoh phung khĭt geh prăm nuyh hađăch Madian amoh jêng: Y-Êvi, Y-Rêkem, Y-Sur, Y-Hur jêh ri Y-Rêba. Khân păng sŏk đŏng đao gay nkhĭt Y-Balaam, kon bu klâu Y-Bêôr.

Phung Kôranh Phat Dôih 11:25

Lơ hô đŏng, may ueh lơn ma Y-Balak, kon bu klâu Y-Sipôr, hađăch n'gor Môap lĕ? Păng mâp tâm rlăch đŏng mâu lah lĕ tă tâm lơh đah phung Israel đŏng mâu?

Phung Kôranh Phat Dôih 6:1

Phung ƀon lan Israel ƀư nau mhĭk tanăp măt Brah Yêhôva rĭ dĭng Brah Yêhôva jao khân păng tâm ti phung Madian tâm pơh năm.