Nau Kơp Bunuyh 22:31 - Nau Brah Ndu Ngơi 2023

³¹ Nôk nây, Brah Yêhôva pơk măt Y-Balaam jêh ri Y-Balaam saơ tông mpăr Brah Yêhôva dâk ta nklang trong, djôt đao rnglay tâm ti păng. Y-Balaam kŭnh bôk păng nơm, chŭn muh măt ta neh.

Nau Kơp Bunuyh 22:31 ပူးပေါင်းရင်းမြစ်များ

Nau Ntơm 21:19

Brah Ndu pơk ăn măt H'Agar lin jêh ri păng saơ du ntu dak. Păng bâk dak bêng nông ntâu jêh djôt ăn kon jê̆ nhêt.

I Nau Rêh Jêng 21:16

Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

Nau Mprơ Ơm 9:20

Ơ Brah Yêhôva; ƀư ăn khân păng klach krit. Ăn phung ƀon lan gĭt khân păng jêng knŏng bunuyh nglay săk. (Sêla)

Nau Ngluh Êjipt 34:8

Y-Môis kŭnh ndal bôk ta neh jêh ri yơk mbah.

Nau Kơp Bunuyh 22:30

Seh bri me lah ma Y-Balaam: “Gâp mâu di hĕ jêng seh bri may, may ncho bơh kăle tât aƀaơ? Gâp lĕ vay ƀư pô aơ ma may?” Păng lah: “Mâu ôh.”

Nau Kơp Bunuyh 24:16

Nau mbơh lor tă bơh nơm iăt nau Brah Ndu ngơi, Gĭt nau gĭt rbăng Nơm Dŭt Prêh, Saơ nau tâm saơ tă bơh Nơm Geh Lĕ Nau Brah, Cha lôt ro jêh ri geh măt lin jêh:

Nau Kơp Bunuyh 24:4

Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh:

Luka 24:16

Ƀiălah măt khân păng bu nkŭm jêh, mâu gĭt năl Brah Yêsu ôh.

Luka 24:31

Dôl nây măt khân păng pơk jêh ri khân păng gĭt năl Păng, ƀiălah du roh ro.

Yôhan 18:6

Nôk Brah Yêsu lah: “Gâp ƀơh aơ” khân păng rŭch nkơi jêh ri cha lôt ta neh.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Yôsuê 5:13

Dôl Y-Yôsuê gŭ dăch Yêrikô, păng n'gơr măt uănh, păng saơ du huê bunuyh djôt đao rnglay dâk tra năp măt păng. Y-Yôsuê hăn văch dăch ma păng jêh ri ôp: “May mpeh ma hên mâu lah mpeh ma phung rlăng hên?”

Yôsuê 5:14

Păng plơ̆ lah: “Mâu gŭ mpeh bu aơ bu ri ôh, ƀiălah aƀaơ gâp văch jêng kôranh chiă uănh ma phung tahan Brah Yêhôva.” Y-Yôsuê păn ro muh măt ta neh, yơk mbah jêh ri ôp: “Moh nau Kôranh Brah ntăm ma oh mon May?”