Nau Kơp Bunuyh 22:23 - Nau Brah Ndu Ngơi 2023

²³ Seh bri me saơ tông mpăr Brah Yêhôva dâk ta trong djôt đao rnglay tâm ti păng; jêh ri seh bri teng du jêh ri hăn trŭnh tâm mir. Y-Balaam dong seh bri, gay juet păng hăn plơ̆ tay ma trong.

Nau Kơp Bunuyh 22:23 ပူးပေါင်းရင်းမြစ်များ

II Phung Hađăch 6:17

Jêh nây Y-Êlisê mbơh sơm: “Hơi Brah Yêhôva, dăn ma may pơk măt ma oh mon gâp, gay păng dơi saơ.” Brah Yêhôva pơk măt oh mon nây, jêh nây păng dơi saơ klơ yôk bêng ma seh jêh ri ndeh seh ma ŭnh dôl gŭ jŭm Y-Êlisê.

I Nau Rêh Jêng 21:16

Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

Yêrêmi 8:7

Nđâp sĭm njơch dak mpăr klơ trôk Hôm gĭt yan trơn ntŭk; Sĭm ntơp, sĭm rlêng, sĭm klang kreo, Hôm kah gĭt yan plơ̆ sĭt; Ƀiălah phung ƀon lan Gâp mâu gĭt ôh Nau Brah Yêhôva phat dôih!

Daniel 10:7

Gâp, Y-Daniel, knŏng du huê gâp saơ nau tâm saơ nây. Lĕ phung bunuyh gŭ ndrel ma gâp nđâp lah mâu saơ ôh nau tâm saơ, ƀiălah khân păng klach râm sâr, nchuăt du gay joi ntŭk krap săk khân păng nơm.

Nau Kơp Bunuyh 22:22

Ƀiălah Brah Ndu hao ji nuih yor nau păng hăn, jêh ri tông mpăr Brah Yêhôva dâk ta trong buay păng. Nôk nây, Y-Balaam ncho seh bri păng nơm jêh ri geh bar hê oh mon păng hăn ndrel ma păng.

Nau Kơp Bunuyh 22:24

Jêh ri tông mpăr Brah Yêhôva dâk tâm trong jê̆ vah vang đang krăk ƀâu, geh mpir bar đah trong.

Kôranh Oh Mon 22:9

Phung hăn ndrel ma gâp saơ rah vah nau ang nây, ƀiălah khân păng mâu tăng bâr Nơm ngơi đah gâp ôh.

Yôsuê 5:13

Dôl Y-Yôsuê gŭ dăch Yêrikô, păng n'gơr măt uănh, păng saơ du huê bunuyh djôt đao rnglay dâk tra năp măt păng. Y-Yôsuê hăn văch dăch ma păng jêh ri ôp: “May mpeh ma hên mâu lah mpeh ma phung rlăng hên?”

II Pêtrôs 2:16

Ƀiălah bunuyh nây geh nau nduyh jêh ma nau ƀư tih păng; du mlâm seh bri mlo blau ngơi nâm bu bunuyh, buay jêh nau brŭt moih nơm mbơh lor nĕ.

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.