Nau Kơp Bunuyh 22:20 - Nau Brah Ndu Ngơi 2023

²⁰ Dôl măng, Brah Ndu tât ma Y-Balaam jêh ri lah ma păng: “Yorlah phung nây văch jă, pôri may hăn hom ndrel ma khân păng, ƀiălah ăn may ƀư tĭng kơt lĕ nau Gâp ntĭnh ma may.”

Nau Kơp Bunuyh 22:20 ပူးပေါင်းရင်းမြစ်များ

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Yêrêmi 1:7

Ƀiălah Brah Yêhôva lah ma gâp: “Lơi ngơi: ‘May hôm e mom ndăm;’ Yorlah may mra hăn lam moh ntŭk Gâp đă may hăn, Jêh ri mra ngơi lĕ nau Gâp ntăm may ngơi.

Ndrom Samƀŭt bơh Ôsê 13:11

Tâm nau ji nuih, Gâp ăn jêh ma may du huê hađăch, Jêh ri tâm nau ji nuih, Gâp sŏk lơi.

Nau Kơp Bunuyh 22:19

Ƀiălah gâp dăn ma khân may gŭ ta aơ măng aơ tâm ban đŏng, gay ma gâp dơi gĭt moh nau Brah Yêhôva mra lah đŏng ma gâp.”

Nau Kơp Bunuyh 22:35

Tông mpăr Brah Yêhôva lah ma Y-Balaam: “Hăn hom ndrel ma phung bu klâu nây, ƀiălah ăn may ngơi knŏng nau Gâp mra ntĭnh ma may.” Pôri Y-Balaam hăn ndrel ma phung kôranh chiă uănh Y-Balak.

Nau Kơp Bunuyh 23:12

Y-Balaam plơ̆ lah: “Gâp mâu njrăng gay ngơi moh nau Brah Yêhôva dơm jêh tâm trôm mbung gâp?”

Nau Kơp Bunuyh 23:16

Brah Yêhôva tâm mpơl ma Y-Balaam jêh ri dơm nau ngơi tâm trôm mbung păng gay lah. Păng lah: “Plơ̆ sĭt hom ma Y-Balak jêh ri ngơi pô aơ.”

Nau Kơp Bunuyh 23:26

Y-Balaam plơ̆ lah ma Y-Balak: “Mâu di hĕ nau gâp mbơh ma may pô aơ lĕ moh nau Brah Yêhôva hŏ lah, gâp mra ƀư nau nây?”

Nau Kơp Bunuyh 23:5

Brah Yêhôva dơm nau ngơi tâm trôm mbung Y-Balaam jêh ri lah: “Plơ̆ sĭt hom ma Y-Balak jêh ri ngơi pô aơ.”

Nau Kơp Bunuyh 24:13

‘Nđâp tơlah Y-Balak ăn ma gâp ngih toyh geh bêng ma prăk jêh ri mah, gâp mâu dơi ƀư rlau ir ôh ma nau ntăm bơh Brah Yêhôva ngơi jêh, ŭch ƀư nau ueh mâu lah ƀư nau mhĭk tĭng gâp nơm ŭch?’ Gâp knŏng ngơi moh nau Brah Yêhôva ntĭnh jêh!

Nau Kơp Bunuyh 24:4

Nau mbơh lor tă bơh nơm tăng jêh nau Brah Ndu ngơi, Jêng nơm saơ jêh nau tâm saơ bơh Nơm Geh Lĕ Nau Brah, Păng cha lôt jêh ri măt lin jêh: