Nau Kơp Bunuyh 22:18 - Nau Brah Ndu Ngơi 2023

¹⁸ Y-Balaam plơ̆ lah ma phung oh mon hađăch Balak pô aơ: “Nđâp tơlah Y-Balak ăn ma gâp ngih toyh bêng ma prăk mah păng kđôi, gâp mâu dơi rlau ôh nau ntăm Yêhôva Brah Ndu gâp gay ƀư du nau kan nđâp lah jê̆ mâu lah toyh.

Nau Kơp Bunuyh 22:18 ပူးပေါင်းရင်းမြစ်များ

I Phung Hađăch 13:8

Ƀiălah bunuyh Brah Ndu plơ̆ lah: “Nđâp tơlah may ăn ma gâp n'gul drăp ndơ may, gâp mâu đŏng lăp ôh ndrel ma may, mâu lah sa piăng let mâu lah nhêt dak tâm ntŭk aơ,

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

II Nau Rêh Jêng 18:13

Ƀiălah Y-Mika plơ̆ lah: “Tĭng nâm Brah Yêhôva gŭ rêh mro mrăng! moh nau Brah Ndu gâp lah, gâp mra ngơi nau nây.”

Ndrom Samƀŭt bơh Yôp 3:15

Mâu lah ndrel phung kôranh chiă uănh N'hanh prăk mah bun bêng ngih khân păng.

Daniel 5:17

Tanăp hađăch, Y-Daniel plơ̆ lah: “Ăn may prăp ma may nơm lĕ ndơ ăn nây, jêh ri ăn nau nkhôm ma nơm êng! Ƀiălah, gâp mra răk rplay samƀŭt nchih nây jêh ri rblang ma may.

Nau Kơp Bunuyh 22:19

Ƀiălah gâp dăn ma khân may gŭ ta aơ măng aơ tâm ban đŏng, gay ma gâp dơi gĭt moh nau Brah Yêhôva mra lah đŏng ma gâp.”

Nau Kơp Bunuyh 22:38

Y-Balaam ơh nau ma Y-Balak pô aơ: “Aƀaơ, gâp văch jêh ma may, ƀiălah gâp geh lĕ nau dơi ngơi ƀaƀă aƀaơ ri? Gâp knŏng lah nau Brah Ndu dơm tâm trôm mbung gâp.”

Nau Kơp Bunuyh 22:8

Y-Balaam plơ̆ lah: “Bê̆ch hom ta aơ măng aơ jêh ri gâp mra plơ̆ lah ma khân may tĭng nâm Brah Yêhôva ngơi ma gâp.” Pôri phung kôranh chiă uănh n'gor Môap gŭ ndrel ma Y-Balaam.

Nau Kơp Bunuyh 23:26

Y-Balaam plơ̆ lah ma Y-Balak: “Mâu di hĕ nau gâp mbơh ma may pô aơ lĕ moh nau Brah Yêhôva hŏ lah, gâp mra ƀư nau nây?”

Nau Kơp Bunuyh 24:12

Y-Balaam lah ma Y-Balak pô aơ: “Gâp mâu hĕ geh lah ma phung mbơh may hŏ prơh tât jêh:

Nau Kơp Bunuyh 24:13

‘Nđâp tơlah Y-Balak ăn ma gâp ngih toyh geh bêng ma prăk jêh ri mah, gâp mâu dơi ƀư rlau ir ôh ma nau ntăm bơh Brah Yêhôva ngơi jêh, ŭch ƀư nau ueh mâu lah ƀư nau mhĭk tĭng gâp nơm ŭch?’ Gâp knŏng ngơi moh nau Brah Yêhôva ntĭnh jêh!

Kôranh Oh Mon 8:20

Ƀiălah Y-Pêtrôs plơ̆ lah pô aơ: “Prăk may rai yot ndrel ma may, yorlah may mĭn bu dơi rvăt ma prăk nau Brah Ndu ăn!

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

Yôsuê 24:10

Ƀiălah Gâp mâu ŭch iăt nau Y-Balaam ôh; yor ri, păng nchâp ăn nau ueh uĭn ma khân may, jêh ri Gâp hŏ rklaih jêh khân may bơh ti Y-Balak.