Nau Kơp Bunuyh 22:12 - Nau Brah Ndu Ngơi 2023

¹² Brah Ndu lah ma Y-Balaam: “Lơi hăn ndrel ma khân păng, lơi rak rtăp ôh ma phung ƀon lan aơ, yorlah khân păng jêng phung ƀon lan geh jêh nau ueh uĭn.”

Nau Kơp Bunuyh 22:12 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

II Nau Rêh Jêng 31:10

Y-Asaria, kôranh ƀư brah toyh jêng noi deh Y-Sadôk, plơ̆ lah ma hađăch pô aơ: “Ntơm bơh nar phung ƀon lan djôt ndơ nhhơr tâm ngih Brah Yêhôva, mâu knŏng hên tŏng sông sa ƀiălah geh âk ndơ rmeh, yorlah Brah Yêhôva hŏ ăn jêh nau ueh uĭn ma ƀon lan Păng. Aơ jêng mbŭch hôm e rmeh.”

Nau Mprơ Ơm 144:15

Ueh maak yơh ma phung ƀon lan geh nau tâm ban pônây! Ueh maak yơh phung ƀon lan geh Brah Yêhôva jêng Brah Ndu khân păng!

Nau Mprơ Ơm 146:5

Ueh maak yơh ma nơm geh Brah Ndu Yakôb jêng nơm kơl păng, N'gân nau păng kâp gân tâm Yêhôva Brah Ndu!

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

Nau Kơp Bunuyh 22:11

‘Aơ, du phung ƀon lan du luh bơh n'gor Êjipt jêh ri nkŭm lam klơ neh ntu. Aƀaơ ri văch rak rtăp hom ma phung ƀon lan nây. Klăp lah gâp mra dăng ktang lơh mprơh lơi phung ƀon lan aơ.’”

Nau Kơp Bunuyh 22:13

Ang ôi taơ, Y-Balaam kah rngăl ôi jêh ri lah ma phung kôranh chiă uănh tă bơh Y-Balak: “Plơ̆ sĭt hom ma n'gor khân may nơm, yorlah Brah Yêhôva dun jêh mâu ăn ôh gâp hăn ndrel ma khân may.”

Nau Kơp Bunuyh 22:6

Aƀaơ, ăn may văch rak rtăp ma phung ƀon lan aơ, yorlah khân păng jêng ktang lơn ma gâp. Klăp lah gâp mra dăng ktang dơi lơh đah phung ƀon lan aơ jêh ri mprơh khân păng du luh bơh n'gor. Yorlah gâp gĭt mbu nơm may ăn nau ueh uĭn, păng mra geh nau ueh uĭn, jêh ri mbu nơm may rak rtăp, păng mra geh nau rak rtăp ngăn.”

Nau Kơp Bunuyh 23:23

Mâu geh nau ngơi n'hŭm-chrâng ôh dơi tâm rdâng đah phung Yakôb, Mâu đŏng geh n'hŭm pol dơi tâm rdâng đah phung Israel; Yorlah tât dôl bu mra nkoch ma Yakôb jêh ri Israel pô aơ: ‘Brah Ndu ƀư jêh lĕ nau kan khlay ngăn ngên!’

Nau Kơp Bunuyh 23:3

Y-Balaam lah ma Y-Balak: “Hađăch dâk hom ta meng ndơ may nơm ƀư brah gŭch, bi gâp mra hăn. Klăp lah Brah Yêhôva mra tâm mpơl ma gâp jêh ri gâp mra nkoch tay ma may moh nau Păng ăn gâp saơ.” Jêh nây păng hăn hao du yôk jêng ntŭk hil.

Nau Kơp Bunuyh 23:8

Phung Brah Ndu mâu mâp rak rtăp ôh, mâm gâp dơi rak rtăp ma phung nây? Phung Brah Yêhôva mâu mâp ngơi mhĭk ôh, mâm gâp dơi ngơi mhĭk ma phung nây?

Nau Kơp Bunuyh 24:9

Khân păng bê̆ch, păn nâm bu du mlâm yau mŭr nkuăng Jêh ri nâm bu du mlâm yau mŭr me. Mbu nơm mra rbĭch khân păng? Ngăn ăn nau ueh uĭn ma mbu nơm mra ăn nau ueh uĭn ma may, Rtăp rah hom ma mbu nơm mra rak rtăp ma may.”

Mathay 27:19

Rlau ma nây, dôl păng gŭ ta ntŭk phat dôih, ur păng njuăl bu lah ma păng pô aơ: “Lơi ta pah bi ma bunuyh sŏng srăng nây, yor ma bunuyh nây măng aơ gâp geh nau ji ta nuih n'hâm hâu ngăn tâm nau mbơi.”

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’

Nau Vay Nkah Tay 23:5

Ƀiălah Yêhôva Brah Ndu khân may mâu iăt ôh nau Y-Balaam, yor ri Yêhôva Brah Ndu hŏ rgâl nau rak rtăp jêng nau ueh uĭn ma khân may, yorlah Yêhôva Brah Ndu khân may rŏng ma khân may.

Nau Vay Nkah Tay 28:6

Khân may mra dơi geh nau ueh uĭn nôk luh du tâm ban ma nôk hăn lăp.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Nau Vay Nkah Tay 7:14

Khân may mra geh nau ueh uĭn rlau lơn ma lĕ rngôch phung ƀon lan; mâu mra geh bu ur bu klâu mâu bă kon ôh ta nklang khân may, mâu lah mpô mpa rong roh nau dơi deh kon.