Nau Kơp Bunuyh 21:8 - Nau Brah Ndu Ngơi 2023

⁸ Brah Yêhôva lah ma Y-Môis: “Ƀư hom du mlâm bêh ŭnh jêh nây yông păng ta klơ mâng ndăl. Mbu lĕ bêh chôk jêh, n'gơr uănh ma ndơ nây, păng mra dơi rêh.”

Nau Kơp Bunuyh 21:8 ပူးပေါင်းရင်းမြစ်များ

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

Nau Mprơ Ơm 145:8

Brah Yêhôva ăn nau ueh ƀaƀơ, vay yô̆ nđach Mâu gơnh duh nuih jêh ri bêng nau ueh.

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Yôhan 3:14

Tâm ban Y-Môis yông bêh tâm bri rdah tâm ban lĕ, pôri bu mra yông Kon Bunuyh kơt nây lĕ,