Nau Kơp Bunuyh 21:7 - Nau Brah Ndu Ngơi 2023

⁷ Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.

Nau Kơp Bunuyh 21:7 ပူးပေါင်းရင်းမြစ်များ

Nau Ntơm 20:17

Jêh nau nây, Y-Abraham mbơh sơm dăn Brah Ndu jêh ri Brah Ndu ƀư bah Y-Abimêlek, ur păng, nđâp phung oh mon bu ur hađăch gay khân păng dơi geh kon.

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

I Phung Hađăch 13:6

Rnôk nây, hađăch lah ma bunuyh Brah Ndu pô aơ: “Dăn ma may vơl dăn ma Yêhôva Brah Ndu may jêh ri mbơh sơm an ma gâp gay ăn ti gâp kôn tay nâm bu ơm.” Bunuyh Brah Ndu vơl dăn ma Brah Yêhôva jêh ri ti hađăch kôn dơi tay bah nâm bu saơm.

II Phung Hađăch 13:4

Ƀiălah dôl Y-Jôacha vơh vơl nau ueh uĭn bơh Brah Yêhôva, Brah Yêhôva iăt păng, yorlah Păng lĕ saơ nau hađăch Aram tŭn jot phung Israel.

Ndrom Samƀŭt bơh Yôp 42:10

Tơlah Y-Yôp hŏ mbơh sơm ntang ma phung mĭt jiăng, Brah Yêhôva mplơ̆ sĭt đŏng drăp ndơ ma Y-Yôp. Păng ăn ma Y-Yôp bar tơ̆ âk lơn ma drăp ndơ păng hŏ geh jêh ntơm saơm.

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Nau Ngluh Êjipt 10:17

Aƀaơ ri, sâm yô̆ an nau tih gâp, knŏng du tơ̆ aơ dơm! Kuăl mbơh sơm hom ma Yêhôva Brah Ndu khân may; gay ma Păng sâm sŏk an bơh gâp lĕ nau rêh ni khĭt bunuyh aơ.”

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Ngluh Êjipt 32:30

Nar ôi taơ, Y-Môis lah ma phung ƀon lan: “Khân may hŏ ƀư jêh du nau tih toyh. Ƀiălah aƀaơ gâp mra hăn hao tâm mâp đah Brah Yêhôva, klăp lah gâp dơi chuai nau tih ma khân may.”

Nau Ngluh Êjipt 8:28

Pharaôn lah: “Gâp mra ăn khân may hăn gay nhhơr mpa ƀư brah ma Yêhôva Brah Ndu khân may tâm bri rdah, ƀiălah mâu dơi hăn ngai ir. Aƀaơ mbơh sơm hom ma gâp.”

Nau Ngluh Êjipt 8:4

Kĭt mra vơr hao tât ta may, phung ƀon lan jêh ri lĕ rngôch phung oh mon may.’”

Nau Ngluh Êjipt 8:8

Pharaôn kuăl Y-Môis jêh ri Y-Arôn tât ta nây jêh ri lah: “Dăn hom ma Brah Yêhôva gay ăn kĭt du ngai bơh gâp jêh ri phung ƀon lan gâp rĭ mơ gâp mra ăn phung ƀon lan Hêbrơ hăn nhhơr mpa ƀư brah ma Brah Yêhôva.”

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 37:3

Hađăch Sêdêkia prơh hăn Y-Jêhukal, kon bu klâu Y-Sêlêmia, jêh ri kôranh ƀư brah Y-Sêphania, kon bu klâu kôranh ƀư brah Y-Maseya, hăn tât ngơi ma nơm mbơh lor Y-Yêrêmi: “Yor phung hên dăn may mbơh sơm ma Yêhôva Brah Ndu he.”

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Nau Kơp Bunuyh 11:2

Phung ƀon lan kuăl ma Y-Môis. Y-Môis mbơh sơm ma Brah Yêhôva jêh ri ŭnh rngơt ro.

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

Kôranh Oh Mon 8:24

Y-Simôn plơ̆ lah: “Mbơh sơm hom ma Kôranh Brah an gâp, gay gâp mâu khan nau khân may lah nây.”

Samƀŭt Pôl Njuăl Ăn Ma Phung Nsing Ta Ƀon Rôm 10:1

Hơi phung oh nâu, nau ŭch tâm nuih n'hâm gâp jêh ri nau gâp mbơh sơm đah Brah Ndu jêng gay ma phung Israel geh nau tâm rklaih.

Nau Vay Nkah Tay 9:20

Brah Yêhôva ji nuih đŏng nđâp ma Y-Arôn kŏ tât ŭch nkhĭt păng, ƀiălah nôk nây ro gâp kơl mbơh sơm đŏng ma Y-Arôn.

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

I Samuel 15:24

Y-Sôl plơ̆ lah ma Y-Samuel: “Gâp lĕ ƀư tih jêh, yorlah gâp ƀư tih jêh nau vay Brah Yêhôva ntăm jêh ri nau may ngơi. Yorlah Gâp klach ma phung ƀon lan jêh ri iăt tĭng nau khân păng.

I Samuel 15:30

Y-Sôl lah: “Gâp lĕ ƀư tih jêh, ƀiălah yơk hom ma gâp tanăp phung kôranh bu ranh phung ƀon lan gâp, jêh ri tanăp lĕ rngôch bunuyh ƀon lan Israel. Dăn may plơ̆ văch hom ndrel ma gâp, gay ăn gâp dơi yơk mbah ma Yêhôva Brah Ndu may.”