Nau Kơp Bunuyh 21:6 - Nau Brah Ndu Ngơi 2023

⁶ Brah Yêhôva prơh bêh ŭnh lăp ta nklang phung ƀon lan jêh ri chôk khĭt âk bunuyh Israel.

Nau Kơp Bunuyh 21:6 ပူးပေါင်းရင်းမြစ်များ

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Yêrêmi 8:17

“Aơ, Gâp mra njuăl bêh tât ta nklang khân may, Phung bêh rmâng bu mâu dơi ƀư nđơh păng ôh, Khân păng mra kăp khân may.” Brah Yêhôva lah pônây.

Êsêkiêl 14:15

Tơlah Gâp ăn mpa bri janh hăn ăp ntŭk ƀư rai lơi jêh ri ƀư ăn ma bri nây jêng rngol, kŏ tât mâu hôm geh bunuyh hăn prot yorlah klach mpô mpa nây;

I Kôrintô 10:9

Lơi he rlong uănh Kôranh Brah ôh nâm bu phung ƀaƀă tâm khân păng, jêh ri khân păng khĭt đah nau bêh chôk.

Nau Vay Nkah Tay 8:15

Păng hŏ njŭn leo jêh khân may hăn rgăn bri rdah dŭt toyh dŭt krit kir, nkual neh nđang mâu geh dak, bêng ma bêh ŭnh jêh ri ndŭr vơng. Păng ƀư ăn dak luh bơh lŭ kranh ngăn hoch ma khân may.