Nau Kơp Bunuyh 21:5 - Nau Brah Ndu Ngơi 2023

⁵ Phung ƀon lan ngơi tâm rdâng đah Brah Ndu jêh ri Y-Môis. Khân păng lah: “Mâm may njŭn hên du luh bơh n'gor Êjipt ăn khĭt tâm bri rdah nây? Yorlah ta aơ mâu geh piăng let jêh ri mâu geh dak nhêt, jêh ri hên tâm rmot ma ndơ sông sa dơm dam aơ.”

Nau Kơp Bunuyh 21:5 ပူးပေါင်းရင်းမြစ်များ

Nau Mprơ Ơm 68:6

Brah Ndu ƀư ma phung rêh rngloi geh ngih gŭ, Njŭn phung dĭk bu tât ma nau ndrŏng kuăng, Ƀiălah ăn phung mâu gŭ răp jăp mra gŭ tâm neh sơh.

Nau Mprơ Ơm 78:19

Khân păng ngơi tâm rdâng đah Brah Ndu pô aơ: “Dơi lĕ Brah Ndu nkra sưng sông sa tâm bri rdah?

Nau Ngluh Êjipt 14:11

Khân păng lah ma Y-Môis: “Ơm mâu tŏng ntu môch tâm n'gor Êjipt dĭng may njŭn leo hên khĭt tâm bri rdah aơ? May leo phung hên luh bơh n'gor Êjipt mâm ndơ ƀư ŭch hơh?

Nau Ngluh Êjipt 15:24

Phung ƀon lan ngơi njang bâr ma Y-Môis: “Moh ndơ he mra sŏk gay ma nhêt?”

Nau Ngluh Êjipt 16:15

Saơ kơt nây, phung ƀon lan Israel tâm ôp ndrăng nơm: “Moh ndơ nây?” Yorlah khân păng mâu gĭt ôh moh ndơ nây jêng. Y-Môis lah ma phung ƀon lan: “Ndơ nây jêng piăng let Brah Yêhôva ăn ma khân may gay ƀư ndơ sa.”

Nau Ngluh Êjipt 16:31

Ngih vâl Israel rnha ndơ sa nây jêng mana. Păng jêng nâm bu găr kôriander, nglang, sa kah nâm bu ƀănh lai ma dak sŭt.

Nau Hôr 27:7

Phung hơm jêh jot lơi dak sŭt tâm dâng jâng khân păng nơm, Ƀiălah moh ndơ tăng ăt jêng njŭng đah bunuyh ji ngot ji hir.

Êsêkiêl 20:21

Ƀiălah phung kon sau khân păng tâm rdâng jêh đah Gâp, khân păng mâu hăn tĭng nau vay dăp Gâp, mâu djôt prăp ôh nau vay ƀư bơh Gâp, jêng ntil nau bunuyh tông dơi rêh, jêh ri khân păng ƀư tih lĕ nar saƀat Gâp đŏng. Rnôk nây, Gâp lah Gâp mra nkhŭt nau Gâp ji nuih ta klơ khân păng, nkhŭt lĕ nau Gâp ji nuih tâm rdâng đah khân păng tâm bri rdah.

Nau Kơp Bunuyh 11:20

ƀiălah sa lĕ du khay, kŏ tât dôl puăch nây luh du ta trôm muh jêh ri tâm rmot ma ndơ, yorlah khân may dun jêh ma Brah Yêhôva Nơm dôl gŭ ta nklang khân may, jêh ri nhĭm tanăp Păng pô aơ: “Mâm ƀư hên dĭng du luh tă bơh Êjipt?”’”

Nau Kơp Bunuyh 16:41

Ôi taơ, lĕ rngôch phung ƀon lan Israel tâm rƀŭn ngơi ƀrôk tâm rdâng đah Y-Môis jêh ri Y-Arôn. Khân păng lah: “Khân may hŏ nkhĭt jêh ri phung ƀon lan Brah Yêhôva!”

Nau Kơp Bunuyh 17:12

Phung ƀon lan Israel lah ma Y-Môis: “Aơ hên khĭt, hên rai lôch, hên rai lôch lĕ ro!

I Kôrintô 10:9

Lơi he rlong uănh Kôranh Brah ôh nâm bu phung ƀaƀă tâm khân păng, jêh ri khân păng khĭt đah nau bêh chôk.