Nau Kơp Bunuyh 21:34 - Nau Brah Ndu Ngơi 2023

³⁴ Ƀiălah Brah Yêhôva lah ma Y-Môis: “Lơi klach ôh! Yorlah Gâp hŏ jao jêh păng, lĕ rngôch phung tahan jêh ri n'gor păng tâm ti may. Phat hom ma păng nâm bu may hŏ phat jêh ma Y-Sihôn, hađăch phung Amôrit, nơm gŭ ta Hêsbôn.”

Nau Kơp Bunuyh 21:34 ပူးပေါင်းရင်းမြစ်များ

II Samuel 5:19

Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

II Phung Hađăch 3:18

Ƀiălah nau aơ knŏng jêng nau jê̆ tanăp măt Brah Yêhôva. Păng mra jao phung Môap tâm ti khân may tâm ban lĕ.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Nau Kơp Bunuyh 32:4

Brah Yêhôva tâm lơh dơi jêh tanăp phung Israel tâm rƀŭn, jêng n'gor ueh ma nau rong chiăp mpô mpa rong. Rlau lơn ma nĕ, phung oh mon may geh âk mpôl mpô mpa rong.

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Nau Vay Nkah Tay 20:3

Păng mra lah: ‘Hơi phung Israel, iăt hom! Nar aơ khân may mra tâm lơh đah phung rlăng. Lơi rdja ôh nuih n'hâm, lơi klach ôh, lơi râm sâr, lơi krit kir, dôl tâm rdâng đah khân păng,

Nau Vay Nkah Tay 3:1

“Lah he plơ̆ hăn trong hao n'gor Basan, pôri Y-Ôk, hađăch n'gor Basan, djôt leo lĕ rngôch phung tahan hăn luh ŭch tâm lơh đah he ta Êdrei.

Nau Vay Nkah Tay 3:11

(Knŏng geh Y-Ôk, hađăch n'gor Basan, phung Rêphaim, hôm rêh. Sưng bê̆ch hađăch nây ƀư ma loih mâu di hĕ păng gŭ ta ƀon toyh Raba phung kon sau Ammôn? Sưng bê̆ch nây jong rlau puăn met, dĭ du met pham.)

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 7:17

Klăp lah tâm nuih n'hâm khân may mra lah: ‘Phung ndŭl mpôl aơ âk lơn ma he, mâm he dơi lơh n'ho mprơh khân păng?’

Nau Vay Nkah Tay 7:18

Ƀiălah khân may lơi klach ôh. Kah gĭt tay hom moh nau Yêhôva Brah Ndu khân may hŏ ƀư jêh ma Pharaôn jêh ri ma lĕ n'gor Êjipt.

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.

Nau Vay Nkah Tay 7:24

Păng mra jao phung hađăch phung ƀon lan nây tâm ti khân may jêh ri ăn khân may jut lơi amoh phung hađăch nây bơh neh ntu. Mra mâu hôm ôh geh du huê tâm rdâng đah khân may, khân may mra ƀư rai lĕ khân păng.

Yôsuê 10:25

Y-Yôsuê lah ma khân păng: “Lơi klach mâu lah rdja nuih n'hâm ôh; janh ktang hom jêh ri nâp, yorlah Brah Yêhôva mra ƀư tâm ban pônây ma lĕ rngôch phung rlăng khân may jêng phung khân may mra tâm lơh.”

Yôsuê 10:8

Brah Yêhôva lah ma Y-Yôsuê: “Lơi klach ôh, yorlah Gâp jao jêh khân păng tâm ti may, mâu hôm geh ôh du huê nơm dơi tâm rdâng tanăp măt may.”

Yôsuê 8:7

khân may mra luh du bơh ntŭk khân may gŭ kâp dâp jêh ri pit sŏk ƀon, yorlah Yêhôva Brah Ndu khân may mra jao ƀon nây tâm ti khân may.

Phung Kôranh Phat Dôih 11:30

Y-Jêptê ƀư nau ton ma Brah Yêhôva pô aơ: “Tơlah May jao phung ƀon lan Ammôn tâm ti gâp tơlah gâp dơi tâm lơh plơ̆ sĭt,

I Samuel 23:4

Y-Đavit ôp tay ma Brah Yêhôva, jêh ri Brah Yêhôva plơ̆ lah ma păng: “Dâk hom, hăn trŭnh ma Keila, Gâp mra jao phung Philistin tâm ti may.”