Nau Kơp Bunuyh 21:3 - Nau Brah Ndu Ngơi 2023

³ Brah Yêhôva dơn nau phung ƀon lan Israel jêh ri jao phung ƀon lan Kanaan tâm ti khân păng. Khân păng ƀư rai lĕ phung ƀon lan nây jêh ri lĕ ƀon khân păng, pônây bu ntơ ntŭk nây jêng Hôrma.

Nau Kơp Bunuyh 21:3 ပူးပေါင်းရင်းမြစ်များ

Nau Mprơ Ơm 10:17

Ơ Brah Yêhôva, May hŏ iăt jêh nau ŭch phung dêh rhêt; May ăn khân păng nâp nuih n'hâm, jêh ri rkêng tôr iăt khân păng

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 116:1

Gâp rŏng ma Brah Yêhôva Yorlah Păng iăt bâr gâp jêh ri nau gâp vơh vơl.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Kơp Bunuyh 14:45

Phung ƀon lan Amalek jêh ri phung Kanaan gŭ tâm n'gor klơ dor yôk hăn trŭnh tâm lơh rai Phung ƀon lan Israel jêh ri tĭng khân păng tât ta Hôrma.

Nau Vay Nkah Tay 1:44

Nôk nây, phung Amôrit gŭ tâm yôk lĕ hăn n'hoch jêh gay rduh lơh đah khân may tâm ban ma sŭt tĭng jêh ri ƀư rai khân may tă bơh Sêir tât ta Hôrma.

Nau Vay Nkah Tay 20:16

Ƀiălah tâm lĕ ƀon tâm n'gor bơh phung ndŭl mpôl Yêhôva Brah Ndu khân may ăn ma khân may jêng drăp ndơn, khân may lơi hôm om ôh du mlâm mpa hôm rêh.

Yôsuê 12:14

hađăch Hôrma, hađăch Arat,

Yôsuê 15:30

Êltôlat, Chêsin, Hôrma,

Phung Kôranh Phat Dôih 1:17

Jêh nau nây, ndŭl mpôl Yuđa hăn ndrel ma phung oh nâu khân păng jêng ndŭl mpôl Simêôn hăn lơh đah phung Kanaan gŭ tâm ƀon Sêphat jêh ri ƀư rai lĕ ƀon nây, jêh nây bu ntơ ƀon nây jêng Hôrma.

I Samuel 30:30

ma phung kôranh bu ranh gŭ Hôrma, Bôr-Asan, Athach,