Nau Kơp Bunuyh 21:26 - Nau Brah Ndu Ngơi 2023

²⁶ Hêsbôn jêng ƀon ma Y-Sihôn, hađăch phung Amôrit, jêng hađăch hŏ tâm lơh jêh đah hađăch kăle ri Môap jêh ri pit sŏk lĕ rngôch neh păng kŏ tât dak krong Arnôn.

Nau Kơp Bunuyh 21:26 ပူးပေါင်းရင်းမြစ်များ

Nau Mprơ Ueh 7:4

Trô ko ay nâm bu vâl tŭm ma la. Măt ay jêng dak nglao Hêsbôn Dăch mpông ƀon Bat-Rabim; Trôm muh ay nâm bu vâl tŭm Liban, Uănh mpeh ƀon Damas.

Nau Mprơ Ueh 7:5

Bôk ay n'gơr prêh nâm bu yôk Karmel, Sŏk ay mƀơk jong krăk nsrêk, Ƀư ăn ma hađăch ŭch uănh rŏng ngăn.

Yêrêmi 48:2

Nau chrêk rmah ma bri Môap mâu hôm geh đŏng ôh; Tâm ƀon Hêsbôn, bu nchră ƀư mhĭk ma păng: ‘Văch hom, ăn he ngroh lơi Môap bơh ma lĕ bri dak!’ Ơ Matmen, may mra gŭ rklăk; Tak đao mra tĭng groi may.

Yêrêmi 48:20

Môap prêng yor hŏ rai jêh, Nhĭm vơl hom nter lah! Nkoch hom ta kơh dak krong Arnôn pô aơ bri Môap lĕ rai jêh.

Yêrêmi 48:45

“Nơm nchuăt du hŏ huăr ngăn jêh Nde tâm dâng n'hâm gui ƀon Hêsbôn; Ƀiălah ŭnh hĭt luh tă bơh Hêsbôn, Chông ŭnh bơh ta nklang phung Sihôn, Ƀư rai ndâr kleng bri Môap, Jêh ri nting bôk phung ƀon lan drơu drơu.

Nau Kơp Bunuyh 21:25

Phung ƀon lan Israel pit sŏk lĕ ƀon phung Amôrit jêh ri gŭ tâm lĕ ƀon nây, nđâp ma lĕ ƀon Hêsbôn jêh ri tâm lĕ rngôch ƀon jê̆ jŭm.

Nau Kơp Bunuyh 21:27

Yor nây, nơm ƀư mprơ geh nchih: “Văch hom ma Hêsbôn! Ƀư hom ƀon Y-Sihôn, Ndâk njêng ƀon nây!

Nau Vay Nkah Tay 1:4

Nau aơ tât jêh păng dơi lơh đah Y-Sihôn hađăch phung Amôrit, gŭ ta Hêsbôn, jêh ri Y-Ôk hađăch n'gor Basan, gŭ ta Astarôt jêh ri ta Êdrei.

Yôsuê 13:16

N'gor neh khân păng ntơm bơh Arôer ta kơh rlŭng Arnôn, jêh ri ƀon ta nklang rlŭng nây, nđâp ma lĕ bri neh lâng klơ dor dăch Mêdêba;

Yôsuê 13:17

Hêsbôn jêh ri lĕ rngôch ƀon khân păng gŭ tâm bri neh lâng klơ dor, jêng Dibôn, Bamôt-Baal, Bet-Baal-Mêon,

Yôsuê 13:25

N'gor neh ndŭl mpôl Gat jêng Jaser, lĕ rngôch ƀon Gilêat, du n'gul bri phung Ammôn, tât ma ƀon Arôer tâm tham ma Raba;

Yôsuê 21:39

ƀon Hêsbôn jêh ri lĕ ndrêch gơ̆ gŭ văr jŭm păng; ƀon Jaser jêh ri lĕ ndrêch gơ̆ gŭ văr jŭm păng. Lĕ rngôch jêng puăn rplay ƀon.

Phung Kôranh Phat Dôih 11:26

Dôl pe rhiăng năm, phung Israel gŭ jêh ta Hêsbôn jêh ri n'gor jŭm păng, ta Arôer jêh ri n'gor jŭm păng, tâm lĕ rngôch ƀon toyh ƀoi tĭng dak n'hong jê̆ Arnôn. Mâm ƀư may mâu sŏk pit tay lĕ ƀon toyh nây tâm rnôk nây?