Nau Kơp Bunuyh 21:24 - Nau Brah Ndu Ngơi 2023

²⁴ Phung Israel dơi lơh păng ma đao jêh ri pit sŏk n'gor păng ntơm bơh dak krong Arnôn tât ma dak krong Jabôk jêh ri dơi nsrŭng ta n'har phung Ammôn, yorlah n'gor khân păng dơi n'gang nâp ktang.

Nau Kơp Bunuyh 21:24 ပူးပေါင်းရင်းမြစ်များ

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nau Mprơ Ơm 136:19

Nây jêng Sihôn, phung hađăch Amôrit, Yor nuih n'hâm ueh Păng hôm tât n'ho ro;

Nêhêmi 9:22

Khân păng hŏ pit sŏk jêh n'gor Hêsbôn hađăch Y-Sihôn, Jêh ri n'gor Basan hađăch Y-Ôk. Kôranh Brah hŏ ăn jêh ma khân păng âk bri dak Jêh ri tâm pă lĕ bri ngai nây ăn ma khân păng.

Yôsuê 24:8

Jêh nây, Gâp njŭn khân may mŭt ta n'gor phung Amôrit, gŭ kơh đah ri dak krong Yurdan. Khân păng tâm lơh đah khân may, jêh ri Gâp jao khân păng tâm ti khân may. Khân may pit sŏk bri khân păng ƀư drăp ndơn khân may, jêh ri Gâp ƀư rai khân păng bơh khân may.

Nau Ntơm 32:22

Tâm măng nây Y-Yakôb dâk bê̆ch, leo bar hê ur păng, bar hê bu ur kơl kan jêh ri jât nguay kon păng hăn rgăn ta ntŭk thơl dak krong Jabôk.

Phung Kôranh Phat Dôih 21:8

Pônây, khân păng lah: “Mbu nơm tâm phung ndŭl mpôl Israel mâu tâm mpơl măt ôh tanăp Brah Yêhôva ta Mispa?” Khân păng saơ mâu geh du huê bơh Jabes ta Gilêat văch tât ma ntŭk gay tâm rƀŭn.

Yôsuê 9:10

hŏ tăng jêh lĕ nau Păng hŏ ƀư ma bar hê hađăch phung Amôrit gŭ đah ri dak krong Yurdan, jêng Y-Sihôn, hađăch Hêsbôn, jêh ri Y-Ôk, hađăch bri Basan gŭ ta Astarôt.

Nau Vay Nkah Tay 29:7

Lah khân may tât jêh ta ntŭk aơ, Y-Sihôn hađăch ƀon Hêsbôn jêh ri Y-Ôk hađăch n'gor Basan hŏ ŭch hăn tâm lơh đah he, jêh ri he dơi lơh jêh đah khân păng,

Nau Vay Nkah Tay 3:16

Bi phung Ruben jêh ri phung Gat, gâp jao gâl neh bơh n'gor Gilêat tât ta dak krong Arnôn, sŏk ta nklang dak krong nây jêng n'har, jêh ri kŏ tât ta dak krong Jabôk, jêng n'har phung kon sau Ammôn.

Nau Kơp Bunuyh 21:13

Jêh nây khân păng hăn jêh ri ndâk ngih bok mpeh đah tê̆ dak krong Arnôn, tâm bri rdah. Bri rdah aơ ling dĭ tât ta nkual Amôrit. Dak krong Arnôn jêng n'har phung ƀon lan Môap, vah vang nkual Môap jêh ri nkual phung ƀon lan Amôrit.

Yôsuê 13:12

jêh ri lĕ ƀon bri hađăch Ôk ta Basan. Hađăch nây chiă uănh jêh ta Astarôt jêh ri ta Êdrei, jêh ri păng jêng nơm hôm rêh klen bơh phung Rêphaim, Y-Môis dơi jêh đah phung nây jêh ri mprơh lơi khân păng.

Phung Kôranh Phat Dôih 11:13

Hađăch phung ƀon lan Ammôn plơ̆ lah ma phung mbơh Y-Jêptê pô aơ: “Yorlah nôk luh bơh n'gor bri Êjipt, phung ƀon lan Israel pit sŏk jêh n'gor gâp, ntơm bơh dak n'hong jê̆ Arnôn kŏ tât ta dak n'hong jê̆ Jabôk jêh ri tât ta dak krong Yurdan. Aƀaơ mplơ̆ sĭt hom n'gor nây ma gâp tâm nau đăp mpăn!”

Nau Vay Nkah Tay 1:4

Nau aơ tât jêh păng dơi lơh đah Y-Sihôn hađăch phung Amôrit, gŭ ta Hêsbôn, jêh ri Y-Ôk hađăch n'gor Basan, gŭ ta Astarôt jêh ri ta Êdrei.

Nau Vay Nkah Tay 4:46

dôl khân păng hôm gŭ mpeh đah ri dak krong Yurdan, tâm rlŭng tâm tham đah Bet-Pêôr. Aơ jêng neh Y-Sihôn, hađăch phung Amôrit, nơm hŏ chiă uănh ta ƀon toyh Hêsbôn, Y-Môis n'hanh phung Israel tâm lơh kŏ dơi jêh, nôk khân păng luh bơh n'gor Êjipt.

Nau Vay Nkah Tay 31:4

Brah Yêhôva mra ƀư rai khân păng nâm bu Păng hŏ ƀư rai jêh ma Y-Sihôn jêh ri Y-Ôk, hađăch phung Amôrit, jêh ri n'gor khân păng.

Phung Kôranh Phat Dôih 10:11

Ƀiălah Brah Yêhôva plơ̆ lah ma phung ƀon lan Israel pô aơ: “Mâu di hĕ Gâp tâm rklaih jêh khân may bơh phung Êjipt, bơh phung Amôrit, bơh phung Ammôn, jêh ri bơh phung Philistin?