Nau Kơp Bunuyh 21:2 - Nau Brah Ndu Ngơi 2023

² Phung ƀon lan Israel ƀư nau ton đah Yêhôva pô aơ: “Tơlah Kôranh Brah jao phung ƀon lan aơ tâm ti hên, hên mra ƀư rai lĕ ƀon khân păng.”

Nau Kơp Bunuyh 21:2 ပူးပေါင်းရင်းမြစ်များ

Nau Ntơm 28:20

Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh,

Nau Mprơ Ơm 116:18

Gâp mra ƀư rĭng lĕ nau gâp ton ma Brah Yêhôva, Tanăp lĕ rngôch phung ƀon lan Păng,

Nau Mprơ Ơm 132:2

Păng sân săk ma Brah Yêhôva Jêh ri ton đah Nơm Geh Lĕ Nau Brah Yakôb:

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

Nau Vay Nkah Tay 13:15

ăn khân may sŏk đao sreh phung ƀon lan gŭ tâm ƀon toyh nây. Ƀư rai lơi lĕ ƀon toyh nây jêh ri lĕ ntil ndơ gŭ tâm nây; ƀư rai lĕ phung ƀon lan jêh ri lĕ mpô mpa rong tâm ƀon toyh. Sŏk đao sreh hom ăn lĕ.

Nau Vay Nkah Tay 13:16

Bun hom lĕ rngôch drăp ndơ hŏ pit sŏk jêh ăn ta ntŭk huy jêh ri su lơi ƀon toyh nây ma ŭnh nđâp ma lĕ rngôch ndơ dơi pit, nâm bu ndơ nhhơr ƀư brah gŭch nhhơr ma Yêhôva Brah Ndu khân may. Ƀon nây mra rai mro mrăng jêh ri bu mâu hôm dơi ndâk tay păng ôh.

Nau Vay Nkah Tay 20:16

Ƀiălah tâm lĕ ƀon tâm n'gor bơh phung ndŭl mpôl Yêhôva Brah Ndu khân may ăn ma khân may jêng drăp ndơn, khân may lơi hôm om ôh du mlâm mpa hôm rêh.

Nau Vay Nkah Tay 7:2

Lah Yêhôva Brah Ndu hŏ jao jêh lĕ phung ƀon lan nây ma khân may jêh ri khân may dơi lơh rai khân păng, pôri ăn khân may nkhĭt lĕ khân păng, lơi ƀư nau tâm rnglăp đah khân păng ôh jêh ri lơi dĭng yô̆ ma khân păng ôh.

Yôsuê 6:17

Ƀon jêh ri lĕ rngôch ndơ tâm ƀon jêng ndơ prăp ma Brah Yêhôva ƀư rai lơi. Knŏng du huê H'Rahap bu ur văng tĭr jêh ri lĕ rngôch phung gŭ tâm ngih ndrel ma păng mra dơi rêh, yorlah păng hŏ sâm pôn an jêh phung mbơh bơh he hŏ đă hăn.

Yôsuê 6:26

Rnôk nây, Y-Yôsuê ton lah: “Mbu ndâk jêh ri rdâk njêng đŏng ƀon Yêrikô aơ Mra geh nau rak rtăp tanăp Brah Yêhôva! Mbu nơm n'gân tay mbon, kon bu klâu bôk rah păng khĭt; Mbu nơm rdâk tay mpông, kon mpô̆t păng khĭt.”

Phung Kôranh Phat Dôih 11:30

Y-Jêptê ƀư nau ton ma Brah Yêhôva pô aơ: “Tơlah May jao phung ƀon lan Ammôn tâm ti gâp tơlah gâp dơi tâm lơh plơ̆ sĭt,

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”