Nau Kơp Bunuyh 21:16 - Nau Brah Ndu Ngơi 2023

¹⁶ Tă bơh ntŭk nây, phung ƀon lan Israel n'ho hăn tât ta Bêr. Nây jêng du mlâm ntu dak Brah Yêhôva hŏ ntăm jêh ma Y-Môis: “Tâm rƀŭn hom phung ƀon lan jêh ri Gâp mra ăn dak nhêt ma khân păng.”

Nau Kơp Bunuyh 21:16 ပူးပေါင်းရင်းမြစ်များ

Nau Ntơm 21:19

Brah Ndu pơk ăn măt H'Agar lin jêh ri păng saơ du ntu dak. Păng bâk dak bêng nông ntâu jêh djôt ăn kon jê̆ nhêt.

Nau Ngluh Êjipt 17:6

Aơ, Gâp mra gŭ tanăp may, ta klơ lŭ tâm yôk Hôrep ri. Ăn may dong lŭ jêh ri dak mra hoch luh bơh lŭ nây, gay ma ăn phung ƀon lan nhêt.” Y-Môis ƀư kơt nây tanăp măt phung bu ranh Israel.

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 15:8

Bu tăng bâr nhĭm nter huy Jŭm bri Môap; Bu tăng nau lŭng nter tât ta Êlaim, Jêh ri bu tăng nau lŭng nter tât ta ƀon Bêr-Êlim.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Nau Kơp Bunuyh 20:8

“Sŏk hom mâng, jêh nây may jêh ri nâu may jêng Y-Arôn kuăl rgum phung tâm rƀŭn. Ngơi hom ma lŭ toyh tanăp măt phung tâm rƀŭn gay ma păng luh dak. May mra ƀư ăn dak luh tă bơh lŭ toyh hoch ăn phung tâm rƀŭn jêh ri mpô mpa rong khân păng nhêt.”

Nau Kơp Bunuyh 33:46

Khân păng hăn luh bơh Dibôn Gat jêh ri ndâk ngih bok ta Almôn-Diblataim.

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

Phung Kôranh Phat Dôih 9:21

Jêh nau nây, Y-Jôtham nchuăt du jêh ri tât gŭ ta Bêr yor klach Y-Abimêlek, nâu păng nơm.