Nau Kơp Bunuyh 20:8 - Nau Brah Ndu Ngơi 2023

⁸ “Sŏk hom mâng, jêh nây may jêh ri nâu may jêng Y-Arôn kuăl rgum phung tâm rƀŭn. Ngơi hom ma lŭ toyh tanăp măt phung tâm rƀŭn gay ma păng luh dak. May mra ƀư ăn dak luh tă bơh lŭ toyh hoch ăn phung tâm rƀŭn jêh ri mpô mpa rong khân păng nhêt.”

Nau Kơp Bunuyh 20:8 ပူးပေါင်းရင်းမြစ်များ

Nau Ntơm 18:14

Geh lĕ moh ntil nau jêr ir kŏ tât Brah Yêhôva mâu dơi ƀư? Tât yan lĕ tâm nal, năm taơ Gâp mra plơ̆ tay ma may, jêh ri H'Sara mra geh du huê kon bu klâu.”

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nau Mprơ Ơm 105:41

Păng plah lŭ, dak luh dŭl ro Nâm bu du n'hor dak krong hoch tâm bri rdah.

Nau Mprơ Ơm 114:8

Nơm tâm rgâl lŭ klêr jêng dak nglau, Rgâl lŭ kranh jêng tu dak.

Nau Mprơ Ơm 33:9

Yorlah mâm nau Păng lah mra geh ro; Păng ntrŭnh nau ntăm lĕ rngôch ndơ mra nâp ngăn.

Nau Ngluh Êjipt 14:16

Bi may, djôt leo hom mâng jra, nto ti may ta klơ n'ha dak mƀŭt jêh ri tâm nkhah dak bar ding gay ma phung ƀon lan Israel hăn ta neh sơh rgăn dak mƀŭt.

Nau Ngluh Êjipt 17:9

Y-Môis lah ma Y-Yôsuê: “Săch hom ma he phung tahan hăn tâm lơh đah phung Amalek. Ôi taơ gâp mra gŭ dâk ta klơ n'gơn yôk djôt mâng jra Brah Ndu ta ti gâp.”

Nau Ngluh Êjipt 4:17

Ăn may djôt leo mâng jra aơ tâm ti gay ma dŏng ƀư lĕ nau mbên khlay.”

Nau Ngluh Êjipt 4:2

Brah Yêhôva ôp: “Moh ndơ may djôt tâm ti?” Y-Môis lah: “Du mlâm mâng jra.”

Nau Ngluh Êjipt 4:20

Y-Môis n'hao ur păng jêh ri phung kon bu klâu păng hao klơ ndŭr kơi seh bri jêh ri hăn trong plơ̆ sĭt ta n'gor Êjipt. Păng djôt đŏng tâm ti păng mâng jra Brah Ndu.

Nau Ngluh Êjipt 7:20

Y-Môis jêh ri Y-Arôn ƀư tĭng nâm nau Brah Yêhôva hŏ ntĭnh jêh. Tanăp măt Pharaôn jêh ri phung oh mon păng, Y-Arôn yơr mâng jra păng, mbang dak krong, jêh ri lĕ rngôch dak krong jêng mham da dê.

Êsai 43:20

Lĕ rngôch mpa bri janh, so bri jêh ri sĭm ôtrus, Mra tâm rnê Gâp, Yorlah Gâp ăn lĕ n'hong dak hoch tâm bri rdah, Jêh ri ăn lĕ dak krong hoch tâm ntŭk neh sơh, Gay ăn ma phung ƀon lan Gâp săch jêh geh dak nhêt.

Êsai 48:21

Lah Păng njŭn khân păng găn bri rdah, khân păng mâu ji hir ôh; Yorlah Păng hŏ ăn dak hoch luh ma khân păng bơh lŭ toyh, Păng rlah lŭ toyh, jêh ri dak hoch luh du padih.

Nau Kơp Bunuyh 20:11

Ti Y-Môis djôt mâng yơr jêh ri dong ta lŭ toyh bar tơ̆. Dak luh rdŭl âk râk; phung tâm rƀŭn jêh ri mpô mpa rong khân păng nhêt đŏng.

Nau Kơp Bunuyh 20:7

Brah Yêhôva lah ma Y-Môis:

Nau Kơp Bunuyh 21:15

Nđâp lĕ kơh sop Tât ma mpeh Ar Jêh ri tât ta n'har n'gor Môap.”

Nau Kơp Bunuyh 21:18

Ntu dak phung hađăch hŏ kuyh jêh, Phung kôranh toyh tâm phung ƀon lan hŏ kuyh jêh, Ma mâng jra hađăch jêh ri mâng jra khân păng!” Jêh nây, phung ƀon lan Israel hăn tă bơh bri rdah tât ta Matana,

Mathay 21:21

Brah Yêsu plơ̆ lah: “Nanê̆, Gâp mbơh ma khân may, tơlah khân may geh nau chroh jêh ri mâu đing ôh, ri mơ mâu knŏng khân may dơi ƀư nau Gâp hŏ ƀư jêh ma tơm rvi ôh, ƀiălah nđâp ma khân may dơi lah ma yôk aơ: ‘Pư hom bơh ntŭk aơ jêh ri nsăt tâm dak mƀŭt’ nau nây mra tât geh ro.

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

Yôhan 16:24

Tât aƀaơ, khân may ê hŏ dăn moh ndơ ôh tâm amoh Gâp. Dăn hom, khân may mra dơi geh, gay ma nau maak khân may dơi rĭng.

Kôranh Oh Mon 1:14

Lĕ rngôch phung nây du ai du nau mĭn ndrel ma phung bu ur jêh ri ma H'Mari jêng mê̆ Brah Yêsu jêh ri ndrel ma phung oh bu klâu Păng jêh ri mbơh sơm.

Yôsuê 6:20

Pônây phung ƀon lan troh nter jêh ri phung kôranh ƀư brah uh nŭng. Tơlah phung ƀon lan tăng bâr nŭng, khân păng troh nter dŭt huy jêh ri mpêr ƀon rlâm lĕ; phung ƀon lan hao lăp tâm ƀon, ăp nơm hăn hao song panăp jêh ri pit sŏk ƀon.

Yôsuê 6:5

Nôk khân păng uh nŭng du ndruh jong jêh ri tơlah khân may mhe tăng bâr nŭng rnôk nây ăn lĕ rngôch phung ƀon lan nter dŭt huy, mpêr ƀon nây mra rlâm lĕ, jêh nây phung ƀon lan mra hao mpêr, ăp nơm hăn hao song panăp.”

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.